Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdenttiń Іs basqarýshysy Memlekettik rezıdentsııalar dırektsııasy ujymymen kezdesti

2022 jyldyń 18 mamyr 2022 20:42

NUR-SULTAN. QazAqparat - Búgin Prezıdenttiń Іs basqarýshysy Aıbek Dádebaev Memlekettik rezıdentsııalar dırektsııasynyń 150-ge jýyq qyzmetkerimen kezdesti. Kezdesý ashyq jáne óte emotsıonaldy ótti, dep habarlaıdy QazAqparat.

«Biz múgedek balalary bar qyzmetkerlerdiń otbasylaryna kómek kórsetý, qatardaǵy qyzmetkerler men basshylyq arasyndaǵy jalaqy aıyrmashylyǵyna jol bermeý, ústeme jumys úshin qosymsha aqy tóleý jáne taǵy da basqa máselelerdi talqyladyq», - dep jazdy Aıbek Arqabaıuly Telegram-arnasyndaǵy paraqshasyna.

Kezdesýge qatysýshylardan jumys protsesterin ońtaılandyrý boıynsha birqatar usynystar túsken. Mysaly, jumys kestesin qaıta qarap, túski úzilis ýaqytyn qysqartý, qyzmettik avtobýstyń baǵytyn ózgertý syndy máseleler qaýzalǵan.

«Dırektsııa qyzmetkerlerine syndarly kózqaras úshin alǵys aıtamyn. Búgin kóterilgen barlyq suraqtar boıynsha egjeı-tegjeıli jazbasha túsiniktemeler daıyndalady», - dep tolyqtyrdy avtor.




Aıta keteıik, Memlekettik rezıdentsııalar dırektsııasy – Prezıdent Іs Basqarmasynyń vedomstvolyq qarasty uıym. Dırektsııanyń ujymy óz jumysyn minsiz atqaratyn joǵary deńgeıdegi kásibı mamandardan quralǵan.














Basty sózder: Nur-Sultan, Qoǵam,
Joǵary qaraı