Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdenttiń epıdemıologııalyq jaǵdaıdy turaqtandyrý týraly tapsyrmasy oryndaldy - Ǵınııat

2022 jyldyń 18 mamyr 2022 11:14

NUR-SULTAN. QazAqparat – Memleket basshysy Qasym-Jomart Toqaevtyń eldegi epıdemıologııalyq jaǵdaıdy turaqtandyrý tapsyrmasy oryndaldy. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Memleket basshysy eldegi epıdemıologııalyq jaǵdaıdy turaqtandyrýǵa baǵyttalǵan birqatar tapsyrma bergen bolatyn. Búgingi tańda tapsyrma oryndaldy. Qazirgi ýaqytta elimizdiń barlyq óńirinde epıdemıologııalyq jaǵdaı turaqtandy. Táýligine koronavırýs ınfektsııasymen shamamen onshaqty jaǵdaıy tirkeledi, naýqastardyń 98 paıyzdan astamy saýyǵyp ketip jatyr», - dedi mınıstr Ortalyq kommýnıkatsııalar qyzmetinde ótip jatqan baspasóz máslıhatynda.

Onyń atap ótýinshe, osy jyldyń 24 qańtarynda ótken vedomstvoaralyq komıssııanyń otyrysynda karantındik is-sharalardy jeńildetý tásilderi qaralyp, maquldanǵan.

«Qazir elde barlyq shekteý is-sharalary alynyp tastaldy. Dúnıejúzilik densaýlyq saqtaý uıymynyń málimetteri boıynsha sońǵy aptada búkil álemde aýrý 12 paıyzǵa tómendedi. Biraq aýrýdyń ósýi Amerıka jáne Afrıka óńirlerinde baıqalady. Sonymen qatar, álemniń 97 elinde syrqattanýshylyqtyń ósýi kórinip otyr», - dedi ol.

Mınıstrdiń dereginshe, sońǵy aptada Armenııada syrqattanýshylyq - 200, Vengrııada - 200 paıyzdan astamǵa, Birikken Arab Ámirliginde - 55, Japonııada - 54, Sıngapýrda - 37, Izraılde - 15, Túrkııada 12 paıyzǵa ósken.

«Epıdemıologııalyq jaǵdaıdy kúndelikti boljaý jáne baǵalaý turaqty negizde jalǵasýda, jaǵdaı ýshyqqan kezde KVI-men aýyratyn naýqastarǵa medıtsınalyq kómek kórsetý úshin tósek oryndar, ınfektsııalyq aýrýhanalar, emdeýge arnalǵan qarajattyń kólemi, dárilik zattar men medıtsınalyq buıymdar, jeke qorǵanys quraldary daıyn»,- dedi Ajar Ǵınııat.

Aıta keteıik, 2021 jylǵy 19 shilde QR Prezıdenti Qasym-Jomart Toqaev elimizdegi sanıtarlyq-epıdemıologııalyq ahýal jónindegi jumys keńesin ótkizip, onyń barysynda epıdahýaldy jaqsartýdy tapsyrǵan edi.


Joǵary qaraı