Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdenttiń eń qajetti anyqtamalardy tsıfrly túrde rastaý tapsyrmasy oryndaldy

2021 jyldyń 20 qyrkúıek 2021 19:37

NUR-SULTAN. QazAqparat – QR Prezıdentiniń eń qajetti anyqtamalardy tsıfrly túrde rastaý tapsyrmasy oryndaldy. Bul týraly QR Prezıdentiniń baspasóz hatshysy Berik Ýálı Facebook paraqshasynda jazdy, dep habarlaıdy QazAqparat tilshisi.

Aıta keteıik, Memleket basshysy Qasym-Jomart Toqaev 2020 jyldyń 1 qańtaryndaǵy «Jańa jaǵdaıdaǵy Qazaqstan: Іs-qımyl kezeńi» atty Joldaýynda: «Jyl sońyna deıin eń qajetti anyqtamalardyń qaǵaz túrinde talap etilýin toqtatyp (47-den 30-y), málimetti tsıfrly túrde rastaý tásilin qamtamasyz etýdi tapsyramyn... Memlekettik organdar jeke kýálikti, dıplomdy, júrgizýshi kýáligin elektrondy túrde qabyldaýǵa tıis», - degen bolatyn.

Al Berik Ýálıdiń atap ótýinshe, qazirgi ýaqytta eGov mobile mobıldi qosymshasynda tómendegi qujattardyń tsıfrlyq nusqasy qoljetimdi:

- Jeke kýálik;

- Júrgizýshi kýáligi;

- Týý týraly kýálik;

- Neke qııý týraly kýálik;

- Aty-jónin, ákesiniń atyn ózgertý týraly kýálik;

- Neke buzý týraly kýálik;

- Elektrondy tehnıkalyq tólqujat;

- PTR taldamasynyń nátıjeleri;

- Stýdent bıleti;

- Bilim alany týraly dıplom.

«Tsıfrlyq qujattar qaǵaz túrindegi túpnusqasynyń elektrondy nusqasy QR-kod boıynsha jasalady», - dedi Prezıdent baspasóz hatshysy.





Joǵary qaraı