Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdenttik jastar kadr rezervi: Іrikteýdiń 3-kezeńiniń qorytyndysy jarııalandy

2021 jyldyń 19 qazan 2021 15:28

NUR-SULTAN. QazAqparat - Memlekettik qyzmet isteri agenttigi tóraǵasynyń orynbasary Marat Dáýeshov Prezıdenttik jastar kadr rezervine irikteýdiń úshinshi kezeńiniń qorytyndysyn jarııalady, dep habarlaıdy QazAqparat vedomstvonyń baspasóz qyzmetine silteme jasap.

«Qazirgi ýaqytta irikteýdiń úsh kezeńi ótti. Olar - qujattardy qabyldaý, verbaldy jáne sandyq testileý jáne olardy verıfıkatsııalaý, sıtýatsııalyq tapsyrmalardy sheshý», dedi ol.

Onyń aıtýynsha, sıtýatsııalyq tapsyrmalardy sheshý – bul úmitkerlerdiń sıtýatsııalyq tapsyrmalar túrinde jasalǵan naqty problemalardy sheshýge kózqarasyn baǵalaý.

«Bul kezeń 12 qazannan bastap 17 qazanǵa deıin ótkizildi. Sıtýatsııalyq tapsyrmalardy sheshýge 514 adam jiberildi. Úshinshi kezeńniń qorytyndysy boıynsha 4-kezeńge 235 úmitker ótti, bul kezeń 25 qazanda bastalady», - dep málimdedi Marat Dáýeshov.

Tórtinshi kezeń 2 bloktan turatyn quzyretterdi baǵalaý kezeńi: assessment ortalyq jáne quzyretter boıynsha suhbat júrgiziledi.

Assessment-ortalyq minez-qulyq ındıkatorlarynyń jıyntyǵy arqyly úmitkerlerdiń strategııalyq oılaý, proaktıvti, qyzmetti basqarý, komanda kóshbasshylyǵy, sendire bilý sııaqty quzyretterin anyqtaýǵa jáne baǵalaýǵa baǵyttalǵan. Bul blok offlaın formatta ótkiziledi.




Quzyretter boıynsha suhbat Qazaqstan Respýblıkasynyń kásibı HR menedjerleriniń qatysýymen onlaın formatta júrgiziledi. Osy baǵalaý blogynyń maqsaty úmitkerlerdiń ishki ynta-jigerin jáne olardyń qundylyq baǵdaryn aıqyndaıtyn quzyretterdi anyqtaıdy.

Esterińizge sala keteıik, Memleket basshysynyń tapsyrmasyna sáıkes Memlekettik qyzmet isteri agenttigi 2021 jyly Prezıdenttik jastar kadr rezervine ekinshi irikteýdi júrgizip otyr, birinshi irikteý 2019 jyly ótken bolatyn. Bıylǵy irikteýde rezervke 50 úmitker alynady.


Joǵary qaraı