Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdenttik kadr rezervindegi qostanaılyq turǵyn ákim boldy

2022 jyldyń 20 qańtar 2022 19:48

QOSTANAI. QazAqparat – Prezıdenttik kadr rezervinde bolǵan Arnur Sartov taıaýda Qostanaı oblysy Altynsarın aýdanynyń ákimi bolyp taǵaıyndaldy. Ol QazAqparat tilshisine bergen suhbatynda qatardaǵy memlekettik qyzmetshiden qalaı ákim bolǵany týraly aıtyp berdi.

Arnur Sartov 2013 jyly memlekettik qurylymǵa jumysqa ornalasty. Ol sol kezdiń ózinde memlekettik qyzmettiń úlken jaýapkershilik ekenin túsingen.

«Úlken jaýapkershilikte tártip bolýy tıis. Jumysta bolsyn, ómirde bolsyn úlken jaýapkershilik pen tártipti ákemnen kórdim. Ol uzaq jyldar boıy memlekettik qyzmette jumys istedi. Meniń memlekettik qyzmetke kelýim ákemnen alǵan úlgi-ónegemen baılanysty deýge bolady», - dep bólisti A. Sartov.

Arnur Sartov Prezıdenttik kadr rezervine bir degennen óte almaǵanyn eske alady. Birinshi ret jetkilikti daıyndalmaı, óz kúshine qatty sengen.

«Alǵashynda irikteý kezeńinen óte almadym. Osy joly daıyndyqqa, irikteýge jáne konkýrsqa qatysýǵa baıyppen qaradym», - dep kúldi ol.

«Memqyzmet mansabynda birden joǵary kóterilýdi kútken joqsyz ba?» degen suraqqa A. Sartov memlekettik basqarý júıesindegi merıtokratııa qaǵıdasy sátti jumys istep jatqanyn atap ótti. Osyndaı irikteý ádisin qoldaný tıimdiliginiń bir mysaly – osy jaǵdaı.

«General bolýdy armandamaıtyn sarbaz joq». Sondyqtan, árıne, armanym men maqsatym bıik. Munyń qajyrly eńbek ekenin de túsingen jón. Bul irikteýden ótý ońaı emes, ár úmitker jiti irikteledi», - deıdi Arnur Sartov.

«Men ákim etip taǵaıyndaıdy dep kútpedim. Biraq, eki jyl boıy ákim orynbasary bolyp jumys istep, tájirıbe jınaqtadym. Memlekettik qyzmette 2013 jyldan beri jumys isteımin. Sondyqtan merıtokratııa qaǵıdaty boıynsha qadam-qadammen ilgeri jyljyp kelemin. Baıqaǵanyńyzdaı, osy qaǵıda engizilgennen beri jumys júrip jatyr jáne belgili bir oń nátıje bar», - deıdi ol.

Sondaı-aq aýdan ákimi retinde Arnur Sartov Memleket basshysy Q. Toqaevtyń Májilis otyrysyndaǵy sońǵy tapsyrmalary men bastamalaryna qatysty óz pikirin bildirdi.

«Maǵan Memleket basshysynyń qoǵamdy bólip-jiktemeıtini unaıdy. Halyqtyń ótinishine qulaq asyp, barlyq problemalyq máseleni sheshýdiń naqty quraldaryn ataıdy. Memleket pen qoǵamnyń ajyramas birtutas ekenin túsiný kerek. Tek birlese otyryp kóptegen máseleler men problemalardy sheshýge bolady»,- deıdi A.Sartov.





Joǵary qaraı