Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdentke Kaspıı teńizi jaǵalaýyndaǵy týrıstik klasterdi damytýǵa arnalǵan jobalar tanystyryldy

2021 jyldyń 22 qyrkúıek 2021 20:16

NUR-SULTAN: QazAqparat - Memleket basshysy Mańǵystaý oblysyna jumys sapary barysynda óńirdiń týrıstik áleýetimen tanysty, dep habarlaıdy Aqordanyń baspasóz qyzmeti.

Prezıdent Rixos Water World Aktau qonaq úı kesheniniń ınfraqurylymyn, sonyń ishinde jýyrda ashylǵan oıyn-saýyq parkin aralap kórdi. Aqtaý qalasynyń ońtústigindegi týrıstik aımaqty damytýǵa arnalǵan ınvestıtsııalyq jobalardy júzege asyrýǵa basa mán berildi.




Atap aıtqanda, ınvestorlar Memleket basshysyna golf klýby, saýda oryndary, vıllalary men apartamentteri bar halyqaralyq deńgeıdegi qonaq úıdiń qurylysy týraly aıtty. Nysan bıyl jyl sońyna deıin paıdalanýǵa beriledi dep josparlanǵan.




Qasym-Jomart Toqaev usynylǵan ınvestıtsııalyq jobalarǵa oń baǵa berdi. Sonymen qatar týrıstik ınfraqurylymdy keńeıtip, jetildirýdiń jáne týrıster tartýdyń mańyzdy ekenin atap ótip, qurylys barysyn óz baqylaýyna alatynyn málimdedi.























Joǵary qaraı