Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdentke Almatydaǵy nóser jaýynǵa arnalǵan káriz júıesin jańǵyrtý baǵdarlamasy tanystyryldy

2022 jyldyń 18 mamyr 2022 17:00

NUR-SULTAN. QazAqparat – Memleket basshysynyń qabyldaýynda bolǵan Almaty qalasynyń ákimi Erbolat Dosaev Prezıdentke Almatydaǵy nóser jaýynǵa arnalǵan káriz júıesin jańǵyrtý baǵdarlamasyn tanystyrdy, dep habarlaıdy QazAqparat Aqordaǵa silteme jasap.

Erbolat Dosaev Memleket basshysyna Almatydaǵy nóser jaýynǵa arnalǵan káriz júıesin jańǵyrtýdyń 2025 jylǵa deıingi baǵdarlamasynyń negizgi erejeleri týraly baıandady.

Prezıdenttiń qalada qurylystyń tyǵyz bolýyna jol bermeý jáne áleýmettik ınfraqurylymdy damytý jóninde bergen tapsyrmasynyń oryndalý barysy týraly da aıtyldy.

Sonymen qatar, Prezıdentke Almatynyń 2030 jylǵa deıingi damýynyń negizgi baǵyttaryn aıqyndaıtyn basymdyqtar usynyldy.

Áleýmettik mańyzy bar azyq-túlik taýarlarynyń baǵasyn turaqtandyrý sharalary týraly málimet berildi. Atap aıtqanda, maýsym aralyǵynda erte pisetin kókónister jetkizilmek jáne turaqtandyrý qory 11-den 15 mlrd teńgege deıin kóbeıgen.

Memleket basshysyna qańtar oqıǵasynan zardap shekken shaǵyn jáne orta bıznes sýbektileriniń shyǵynyn óteý jóninde bergen tapsyrmalarynyń oryndalý barysy baıandaldy. Búginge deıin quny 13,9 mlrd teńge bolatyn 1 556 ótinish maquldanǵan. Zardap shekken ShOB sýbektileriniń 97 paıyzy qańtar oqıǵasynan keıin jumysyna qaıta kirisken.

Sondaı-aq, Almaty qalasynyń bıylǵy qańtar-sáýir aılaryndaǵy ekonomıkalyq jaǵdaıy týraly esep berildi. Osy kezeńde qysqa merzimdi ekonomıkalyq ındıkator 107,6 paıyzǵa deıin kóterildi. Negizgi kapıtalǵa salynǵan ınvestıtsııanyń ósimi 21,3 paıyzǵa jetken. Qańtar oqıǵasynan keıingi qala ekonomıkasynyń ósý qarqyny ekinshi jartyjyldyqtyń basynda tolyq qalpyna keledi dep boljanyp otyr.

Kezdesý sońynda Qasym-Jomart Toqaev birqatar naqty tapsyrma berdi.


Basty sózder: Almaty, Aqorda,
Joǵary qaraı