Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent zorlyq-zombylyqtan qorǵaý boıynsha arnaıy qyzmettiń shtat sanyn qalpyna keltirýdi tapsyrdy

2021 jyldyń 25 aqpan 2021 13:53

NUR-SULTAN. QazAqparat – Ulttyq qoǵamdyq senim keńesiniń besinshi otyrysynda QR Prezıdenti Qasym-Jomart Toqaev áıelderge qatysty zorlyq-zombylyq máselesin kóterdi, dep habarlaıdy QazAqparat tilshisi.

Prezıdenttiń aıtýynsha, ózekti áleýmettik másele retinde áıelderge qatysty turmystyq zorlyq-zombylyq bolyp tur. Jyl saıyn elimizde áıelderge qatysty jasalǵan 2,5 myńnan astam qylmys tirkeledi, osynyń saldarynan qaıǵyly oqıǵalar oryn alyp jatady. Áıelderge qarsy zorlyq-zombylyq olardyń qoǵam ómirine tolyqqandy qatysýyna tosqaýyl bolyp, otbasy ınstıtýtyna keri áserin tıgizedi.

«Bul máseleni tek memlekettik organdar men úkimettik emes uıymdardyń birlesken kúsh-jigerimen ǵana sheshý múmkin bolyp tur. Bul rette, Іshki ister mınıstrligine qarasty 1999 jyly qurylǵan Áıelder men balalardy zorlyq-zombylyqtan qorǵaý jónindegi arnaıy bólimsheler mańyzdy ról atqarady», - dedi Memleket basshysy.

Osy oraıda Q. Toqaev bul bólimsheler polıtsııanyń azamattyq qoǵammen ózara is-qımylynyń tıimdi býyny bolýy kerektigin atap ótti.

«Alaıda, kezinde olardyń shtattyq sanynyń jartysyna jýyǵy qysqaryp qalǵan, ásirese, bul qyzmetkerler turmystyq zorlyq-zombylyq faktileri jıi tirkeletin óńirlerde qysqarǵan. Bul problemany keńestiń alańynda áleýmettanýshy Gúlmıra Ileýova kótergen edi. Іshki ister mınıstrligine múmkindiginshe Áıelder men balalardy zorlyq-zombylyqtan qorǵaý jónindegi arnaıy bólimshelerdiń shtat sanyn qalpyna keltirýdi tapsyramyn», - dedi Prezıdent.

Eske salsaq, Ulttyq keńestiń besinshi otyrysy ótti. Ulttyq qoǵamdyq senim keńesi quramynda rotatsııa jasaldy. Jańartylǵan Májilis quramynda Ulttyq keńestiń 9 múshesi bar. _Ótken jyly 22 qazanda QR Prezıdenti Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy, al 2019 jyly 6 qyrkúıekte alǵashqy otyrysy boldy.
Joǵary qaraı