Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent jastar kadr rezervine úmitkerlerdi irikteýge qandaı ózgeris engizildi

2021 jyldyń 10 qyrkúıek 2021 17:00

ALMATY. QazAqparat – Prezıdenttik jastar kadr rezervine úmitkerdi irikteýge ózgeris engizildi. Bul týraly onlaın brıfıng barysynda QR Prezıdenti janyndaǵy Memlekettik basqarý akademııasynyń Almaty qalasy boıynsha fılıalynyń dırektory Dana Jantemirova málim etti, dep habarlaıdy QazAqparat tilshisi.

Dana Jantemirovanyń aıtýynsha, bıylǵy irikteýge birqatar ózgeris engizildi.

«Іrikteý protsesi túzetildi, jańa kezeńder engizildi. Áleýetti rezervshiler sany azaıdy. Qorytyndy boıynsha tek 50 kandıdat irikteledi. Rezervte bolý merzimi 5 jyldan 3 jylǵa deıin qysqartyldy. Memlekettik tildi meńgerý deńgeıin rastaıtyn V1-den tómen emes sertıfıkat engizildi. Aýyzsha sóıleý qabiletin baǵalaýǵa testileý derbes irikteý blogyna bólingen. Bul odan ári eń jaqsy nátıje kórsetken kandıdattardyń 50%-y ǵana sandyq testileý blogyna ótýine múmkindik beredi. Esse jazý jáne jobany tanystyrý kezeńderi sıtýatsııalyq esepterdi sheshý kezeńine aýystyryldy. Usynys hattar joıyldy», - dedi ol.

Spıker memlekettik qyzmet úshin rezerv jasalyp jatqanyn, ártúrli salalar men óndiristerden jas kadrlar óz kúshin synaýǵa akademııadan bıznes ókilderine deıin shaqyrylǵanyn atap ótti.

«Qujat qabyldaý kezeńi www.pkrezerv.kz aqparat alańynda 1-30 qyrkúıek aralyǵynda ótedi. Qujattar elektrondyq tsıfrlyq qoltańbanyń kómegimen tirkeledi. Odan keıin 2 qazannan bastap 6 qazanǵa deıin «Qabiletterdi testileý» kezeńinde kandıdat aýdıo jáne vıdeo fıksatsııasy bar qabiletterdi onlaın testileýden ótedi. Onyń basty maqsaty - kandıdattardyń mátindik jáne sandyq aqparatpen jumysy arqyly taldamalyq qabiletteri men synı oılaý deńgeıin tekserý», - deıdi Dana Jantemirova.

Aıta keteıik, elimizde Prezıdent jastar kadr rezervine jańa irikteý júrip jatyr. 1 qyrkúıekte bastalǵan irikteý 30 qyrkúıekke deıin jalǵasady.


Joǵary qaraı