Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Úkimetke ınflıatsııany 8,5 paıyz sheginde saqtaýdy tapsyrdy

2021 jyldyń 4 qarasha 2021 13:40

EKІBASTUZ. QazAqparat – Memleket basshysy Qasym-Jomart Toqaev Úkimetke ınflıatsııany 8,5 paıyz sheginde saqtaýdy tapsyrdy, dep habarlaıdy QazAqparat tilshisi.

«Jedel áreket etýdi talap etetin máselelerge de toqtalǵym keledi. Bıyl áleýmettik mańyzy bar azyq-túlik baǵasy 10,4 paıyzǵa qymbattady. 9 aıdyń qorytyndysy ınflıatsııanyń jalpy ósimi 8,9 paıyz boldy. Meniń tapsyrmammen alypsatarlyq syzbasyn tergeý jónindegi óńirlik komıssııa quryldy. Nátıjesin Prezıdent te, azamattar da kórmeıdi. Prezıdent ákimshiligi mán-jaıdy anyqtap, bir aptalyq merzimde baıandaýy tıis», - dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jınalysta.

Aqordanyń Twitter-degi málimetine sáıkes, Prezıdent azyq-túlik ınflıatsııasy 6 paıyzdyq deńgeıden asyp túsetindigine nazar aýdartty.

«Endigi ýaqytta ósim qysymymen azyq-túlik baǵasy 6 paıyzdyq deńgeıden asyp túsetindigi anyq. Úkimetke jáne Ulttyq bankke ınflıatsııany 8,5 paıyz sheginde saqtaýdy tapsyramyn», - dedi Memleket basshysy.

Buǵan deıin habarlaǵanymyzdaı, búgin Qasym-Jomart Toqaev jumys saparymen Pavlodar oblysynyń Ekibastuz qalasyna keldi . Memleket basshysy jumys sapary barysynda monoqalalardy damytý jóninde keńes ótkizip, Prezıdenttik jastar kadr rezerviniń ókilderimen kezdesedi. Sonymen qatar qaladaǵy ındýstrıaldy kásiporyndarǵa barady dep josparlanǵan.
Joǵary qaraı