Aýa raıy
Astana 3 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Úkimet basshysyna aýyldardy qajetti dári-dármektermen qamtamasyz etýdi tapsyrdy

2020 jyldyń 23 shilde 2020 19:05

NUR-SULTAN. QazAqpart - Prezıdent Qasym-Jomart Toqaev Premer-Mınıstr Asqar Mamındi qabyldady, dep habarlaıdy Aqorda.

Memleket basshysy Premer-Mınıstrdiń elimizdegi epıdemıologııalyq ahýaldy turaqtandyrý jáne áleýmettik-ekonomıkalyq damý týraly esebin tyńdady.

«Elimizdegi koronavırýs juqtyrǵandardyń sany 2,1 paıyzǵa tómendegenin, aýrýhanalardaǵy indetke shaldyqqan azamattarǵa arnalǵan jalpy tósek-orynnyń 30,4 myńnan 49,7 myńǵa deıin kóbeıgenin, reanımatsııadaǵy oryndar 12 paıyzǵa, stantsıonardaǵy tósek-oryndar 25 paıyzǵa azaıǵanyn aıtty. Sondaı-aq COVID-19 indetinen jazylyp shyqqandar 63 paıyzǵa artyp, jedel-járdem shaqyrtýshylar sany 31 paıyzǵa tómendegen», - dedi Asqar Mamın.

Úkimet basshysy Qazaqstan Prezıdentine barlyq óńirlerdegi turaqtandyrý qory qajetti dári-dármekter men medıtsınalyq qural-jabdyqtarmen tolyqtyrylyp, aýrýhanalardy ókpeni jasandy jeldetý jáne ottegi kontsentratorlarymen qamtamasyz etý jumystary júrip jatqanyn jetkizdi.

Asqar Mamın Qasym-Jomart Toqaevqa shekteý sharalary kezinde kásipkerlik sýbektilerin qoldaý, jumyspen qamytý jáne elimizdiń áleýmettik-ekonomıkalyq damýyna qatysty ózekti máseleler jóninde aıtty.

Memleket basshysy Premer-Mınıstrge aımaqtardy, ásirese, aýyldardy qajetti dári-dármektermen jáne medıtsınalyq qural-jabdyqtarmen qamtamasyz etýdi tapsyrdy.

Prezıdenttiń aıtýynsha, pandemııa kezinde jáne odan keıingi ýaqytta Úkimettiń aldynda ekonomıkanyń josparly damýyn qamtamasyz etip, azamattardyń áleýmettik qajettilikterin qanaǵattandyrý mindeti tur. Qazirgi ýaqytta jańa ekonomıkalyq baǵytty ázirleý jumystary júrip jatyr. Ol Memleket basshysynyń aldaǵy Joldaýynyń negizgi bóligin quraıtyn bolady.


Joǵary qaraı