Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Teleradıokesheni «Abaıdyń qara sózderi» kınojobasyn túsirip bitti

2021 jyldyń 2 jeltoqsan 2021 10:34

NUR-SULTAN. QazAqparat – 15 serııaly «Abaıdyń qara sózderi» fılminiń túsirilimi aıaqtaldy. Abaıdyń 175 jyldyǵyna arnalǵan kınojobany QR PrezıdentinińTeleradıokesheni Qazaqstan Respýblıkasy Mádenıet jáne sport mınıstrliginiń tapsyrysy boıynsha «Ulttyq kınony qoldaý memlekettik ortalyǵynyń» qoldaýymen ázirledi, dep habarlaıdy QazAqparat.

Fılm on bes astarly áńgime men fılosofııalyq traktattardan turady. Kınojobada qazaqtyń uly aqyny-reformator ári fılosofynyń irgeli týyndysynyń myzǵymas qundylyǵyn jańasha ashatyn kúrdeli rejısserlik sheshimder qoldanylǵan.

Basty keıipkerlerdi Qazaqstan kınematografııasynyń eńbek sińirgen akterleri – Aıdos Bektemir, Jan Baıjanbaev, Erik Joljaqsynov, Bahtııar Qoja, Táýekel Músilim, Indıra Meńdibaeva, Jaıdarbek Kúnǵojınov jáne basqalar somdady.

Teleradıokeshenniń Bas dırektory Raýshan Qajybaevanyń aıtýynsha, ««Qara sózderde» qazaq halqynyń ulttyq tárbıesi men dúnıetanymy, adamgershilik jáne moraldyq negizderi, tarıhı máseleler kóteriledi». TRK basshysy «Uly Abaıdyń naqyl sózderi men ósıetteri búgingi kúni de ózekti» ekenine toqtaldy. «Bizdiń jumysymyz qazaq ádebıetiniń klassıgi, aqyn, qoǵam qaıratkeri jáne XIX ǵasyrdaǵy uly aǵartýshynyń jarqyn murasy «Qara sózderdi» nasıhattaýǵa úles qosady dep úmittenemiz», – dedi R.Qajybaeva.

Kórkem kınojobanyń túsirilimi Almaty qalasy men Almaty oblysynyń túrli aımaǵynda ótti.

Qazirgi ýaqytta grafıkalyq jumystar men tústerdi túzetýdiń sońǵy sátteri júrip jatyr. Fılm qazaq, orys jáne aǵylshyn tilderinde túsirilgen. Kórkem kınojoba ashyq túrde ınternet-platformalarda jarııalanyp, álemdik telearnalarda kórsetiledi.


Basty sózder: Nur-Sultan, #Abai175, Mádenıet,
Joǵary qaraı