Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent tapsyrmasy: Jas ǵalymdarǵa 1000 grant bólindi

2021 jyldyń 13 shilde 2021 17:52

NUR-SULTAN. QazAqparat – «Jas ǵalym» jobasy aıasynda 1000 jam mamanǵa grant bólý úshin 3 mlrd teńge bólinetin boldy, dep habarlaıdy QazAqparat tilshisi.

Bul týraly Prezıdenttiń baspasóz hatshysy Berik Ýálı Facebook paraqshasynda jazdy.

Memleket basshysy Qasym-Jomart Toqaev 2020 jyly «Jańa jaǵdaıdaǵy Qazaqstan: is-qımyl kezeńi» atty Joldaýynda ǵylym salasyn damytý boıynsha naqty tapsyrmalar bergen bolatyn.

«Úkimetke jyl saıyn álemniń jetekshi ǵylymı ortalyqtarynda 500 ǵalymnyń taǵylymdamadan ótýin qamtamasyz etýdi, sondaı-aq, «Jas ǵalym» jobasy aıasynda zertteý júrgizý úshin 1000 grant bólýdi tapsyramyn», - degen bolatyn Prezıdent.

Berik Ýálıdiń deregi boıynsha, búginde atalǵan eki tapsyrma da oryndalyp otyr.

«Álemniń jetekshi ǵylymı ortalyqtarynda taǵlymdamadan ótý úshin ǵalymdarǵa bólingen 500 grantty, sondaı-aq, «Jas ǵalym» jobasy boıynsha jas ǵalymdarǵa arnalǵan 1000 grantty qarjylandyrý mehanızmderi anyqtaldy. Ǵalymdarǵa taǵlymdamadan ótýge bólingen 500 grantty qarjylandyrý úshin 1,35 mlrd teńge kóleminde bıýdjettik ótinim qabyldandy», - dep jazylǵan Prezıdenttiń baspasóz hatshysy usynǵan málimette.

Sondaı-aq, taǵlymdamadan ótý erejeleri pysyqtalyp, úmitkerlerdi irikteýdiń talaptary ázirleni, taǵylmdamadan ótkisi keletin 1000 jas ǵalymnyń málimetter qory jasaqtalǵany da aıtylǵan

Al «Jas ǵalym» jobasy aıasynda baıqaýdy qarjylandyrýǵa 3 mlrd teńge bólý maquldanǵan.





Joǵary qaraı