Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent tapsyrmasy: ShQO-da jóndelgen joldar sapasyna 2 myń ret tekserý júrgizildi

2021 jyldyń 18 maýsym 2021 16:31

ÓSKEMEN. QazAqparat – Shyǵys Qazaqstan oblysynda joldy sapasyz jóndegen jol qyzmetteriniń 149 basshysy ákimshilik jaýapqa tartyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Memleket basshysy Qasym-Jomart Toqaevtyń tapsyrmasyna sáıkes, jaýapty mamandar oblystyq Prokýratýra jáne baqylaýshy memlekettik organdarmen birlesip, jóndelgen joldardyń sapasyn tekserýde. Atap aıtqanda, ortasha jóndeýden ótken oblystyq mańyzy bar kólik joldarynyń sapasy qaralýda.

«Shara sheńberinde qoldanylatyn materıaldardyń sapasy, jol elementteriniń geometrııalyq parametrleriniń saqtalýy, sondaı-aq jol júrisin belgileıtin tehnıkalyq quraldardyń sáıkestigi jiti tekserýden ótýde. Jyl basynan beri Departamenttiń jol qadaǵalaý mamandary 2 myńnan astam tekserý júrgizdi. Sonyń nátıjesinde shyǵarylǵan uıǵarymdar boıynsha jol qyzmetteriniń 149 basshysy ákimshilik jaýapqa tartylǵan», - dep habarlady vedomstvo ókilderi.

Tártip saqshylarynyń usynysy boıynsha jergilikti atqarýshy organdardyń qoldaýymen 3 000 jol belgisi ornatylyp, aýystyryldy. Budan bólek, 76 000 sharshy metrden astam tańba salynǵan.


Joǵary qaraı