Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent tapsyrmasy: ShQO-da ózenderdi lastaǵan kompanııa jaýapkershilikke tartyldy

2021 jyldyń 19 qazan 2021 18:05

KÚRShІM AÝDANY. QazAqparat – Shyǵys Qazaqstan oblysyndaǵy ózenderdiń lastanýyna baılanysty «Vızol» JShS jaýapkershilikke tartyldy, dep habarlaıdy QazAqparat Ekologııa, geologııa jáne tabıǵı resýrstar mınıstrligine silteme jasap.

Memleket basshysy Q.Toqaevtyń tapsyrmasyn oryndaý aıasynda Shyǵys Qazaqstan oblysy boıynsha Ekologııa departamenti ýákiletti organmen jáne ǵylymı uıymdarmen birlesip, 28-30 qyrkúıek aralyǵynda Kúrshim aýdanyndaǵy Kúrshim jáne Qystaý-Kúrshim ózenderiniń lastaný faktisi boıynsha «Vızol» Geologııalyq barlaý kompanııasy» JShS-na qatysty jospardan tys ekologııalyq tekserý júrgizdi.




«Tekserý barysynda kásiporyndy jaýapkershilikke tartýǵa negiz bolatyndaı Qazaqstan qoldanystaǵy Ekologııalyq kodeksiniń normalaryna sáıkes kelmeıtin birqatar olqylyq anyqtaldy. Osylaısha, tehnologııalyq sý jınaqtaǵyshtardyń toǵanynan sýdyń jer bederine asyp ketýi jáne Qystaý-Kúrshim ózenine quıatyn tundyrǵyshtan sý aǵyzý faktileri anyqtaldy. Nátıjesinde, «Ákimshilik quqyq buzýshylyq týraly» kodekstiń (ary qaraı – ÁQBtK) 328-babynyń 1-bóligi boıynsha Ákimshilik quqyq buzýshylyq týraly hattama toltyryldy. Aıyppul mólsheri óz erkimen sý aǵyzýdyń kólemi naqtylanǵannan keıin aıqyndalady», delingen habarlamada.








Vedomstvonyń málimdeýinshe, budan basqa, taý-ken jumystarynyń josparyna sáıkes ken ornyn ıgergennen keıin tabıǵı obektilerdi tehnıkalyq jáne bıologııalyq rekýltıvatsııa kómegimen negizgi kúıine keltirý kerek.

«ıAǵnı, tabıǵı landshaftty, aǵash ósimdikterin jáne janýarlar áleminiń tirshilik ortasyn qalpyna keltirý qajet. «Vızol» GBK» JShS sharýashylyq qyzmet nátıjesinde balyq resýrstaryna keletin zalalǵa qatysty ýaqytyly zertteýler júrgizbegeni, bıologııalyq negizdeme ázirlemegeni belgili boldy. Sonymen qatar, taý-ken jumystary turǵysynan qaldyqtardy basqarý júıesi saqtalmaǵan. Osy buzýshylyqtar úshin kásiporynǵa qatysty ÁQBtK-niń 332-babynyń 2-bóligi jáne 344-babynyń 3-bóligi boıynsha Ákimshilik quqyq buzýshylyq týraly hattama jasaldy. Bul baptar boıynsha salynǵan aıyppul kólemi 200 myń teńgeden asady», delingen habarlamada.

Sonymen qatar, anyqtalǵan buzýshylyqtardy joıý maqsatynda joǵaryda atalǵan taý-ken kompanııasyna qorshaǵan ortaǵa teris áserdiń aldyn alý jáne azaıtý jónindegi tıimdi is-sharalardy iske asyrý, tabıǵı orta komponentterine zertteý júrgizý, bıologııalyq negizdeme ázirleý jáne balyq qoryna keltirilgen zııan úshin ótemaqy júrgizý qajettigi týraly nusqama berildi.

Vedomstvonyń málimdeýinshe, oryndalǵan jumystardyń nátıjesi qosymsha habarlanady.

Esterińizge sala keteıik, 2021 jylǵy qyrkúıek aıynyń ortasynda Shyǵys Qazaqstan oblysy Kúrshim aýdanyndaǵy Kúrshim jáne Qystaý ózenderi arnalarynyń qaýipti hımııalyq zattarmen lastanǵany jóninde aqparat áleýmettik jelide qoǵamdyq rezonans týdyryp, Prezıdent shuǵyl sharalar qabyldaý týraly tıisti tapsyrma bergen bolatyn.

«Osyǵan baılanysty Memleket basshysy Qasym-Jomart Toqaev Ekologııa, geologııa jáne tabıǵı resýrstar mınıstrligi men Shyǵys Qazaqstan oblysynyń ákimdigine atalǵan problemany egjeı-tegjeıli tekserip, kinálilerdi jaýapkershilikke tartý týraly tapsyrma berdi», - dep jazdy QR Prezıdentiniń baspasóz hatshysy Berik Ýálı jelidegi paraqshasynda.


Joǵary qaraı