Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent tapsyrmasy: Múmkindigi shekteýli jandar jyl saıyn ótetin komıssııa protsesi barynsha jeńildetildi

2021 jyldyń 29 qazan 2021 13:24

ALMATY. QazAqparat – Prezıdent tapsyrmasyna sáıkes, búgingi kúni múmkindigi shekteýli jandarǵa barynsha jaǵdaı jasaý úshin keshendi jumystar júrgizilip jatyr. Bul týraly «Habar 24» telearnasyndaǵy «Anyǵyn aıtqanda» baǵdarlamasynda QR Prezıdentiniń kómekshisi Erlan Qarın aıtty, dep habarlaıdy QazAqparat tilshisi.

Efır barysynda Erlan Karın Memleket basshysy Ulttyq qoǵamdyq senim keńesiniń V otyrysynda kótergen máselelerge toqtaldy.

«Sońǵy jyldary salynǵan nysandarda múgedekterge arnalǵan pandýstar qarastyrylǵan. Buryn salynǵan ǵımarattarda joq. Prezıdent osy máseleni sheshýdiń jolyn aıtty. Ol «múmkindigi shekteýli azamattar jıi baratyn ǵımarattardyń tizimi men qoljetimdi nysandardyń kartasyn ázirleý kerek», dedi. Osyǵan oraı, qazir múmkindigi shekteýli azamattardy áleýmettik qorǵaý boıynsha arnaıy portal bar. Sol portalda kartanyń alǵashqy jobasy daıyndaldy. Onyń ishinde 35 myńǵa jýyq osyndaı nysan engizildi. Aldaǵy eki-úsh jylda taǵy qosymsha 20 myń ǵımarat tizimge qosylady. Sodan keıin olar múgedek adamdarǵa ynǵaıly etip jasalady», - deıdi Prezıdent keńesshisi.

Sonymen qatar, ol Prezıdent múmkindigi shekteýli azamattardyń múgedektigin rastaý úshin jyl saıyn ótetin komıssııa protsesin barynsha jeńildetýge tapsyrma bergenin tilge tıek etti. «Jyl saıyn múmkindigi shekteýli azamattar ózderiniń múgedektigin rastaý úshin komıssııadan ótý kerek. Odan ótýge keıbir adamdardyń jaǵdaıy kelmeıdi. Memleket basshysynyń tapsyrmasyna sáıkes, protsesti jeńildetý úshin qashyqtan ótý jobasy qolǵa alyndy. Búgingi kúni bul joba birneshe oblysta júzege asyp jatyr», - deıdi Erlan Karın.


Joǵary qaraı