Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent tapsyrmasy: Buqtyrmadaǵy kópir qurylysy qysta da jalǵasady

2021 jyldyń 22 qyrkúıek 2021 21:15

ÓSKEMEN. QazAqparat – Shyǵys Qazaqstan oblysynda Buqtyrma sý qoımasy arqyly ótetin kópir qurylysy júrgizilip jatyr, dep habarlaıdy QazAqparat tilshisi.

Prezıdent Qasym-Jomart Toqaevtyń tapsyrmasymen Shyǵys Qazaqstandaǵy Kúrshim men Kókpekti aýdandaryn jalǵaıtyn «Qyzyl tý» ótkeline kópir salynatyny belgili. Búginde kópir qurylysy qarqyndy júrgizilýde.




Nysan basynda daıyndyq jumystary aıaqtalyp, sýǵa uzyndyǵy 12 metr bolatyn alǵashqy temir tireýler qaǵylǵan. Bul jaıly Kúrshim aýdandyq Sáýlet, qurylys, turǵyn-úı kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy Maqsat Akramov málim etti.

«Jospar boıynsha áýeli ýaqytsha kópir salynyp, sol arqyly negizgi kópirdiń qurylysy júrgizilmek. Qurylysqa qajetti materıaldar jetkilikti. Qazirgi ýaqytta sol jerde 60 adam jumys istep jatyr. Sondaı-aq taıaý kúnderi sýǵa temir tireýish qaǵatyn taǵy bir qondyrǵy jetkiziledi. Beton jabyndylar qurylys basynda óndiriletindikten metal konstrýktsııalar ǵana barjy arqyly tasymaldanýda. Qajetti materıaldardyń negizgileri Qazaqstanda óndirilgen. Qurylys qysta da jalǵasatyndyqtan, nysan belgilengen ýaqytta aıaqtalady dep josparlanýda», - dedi ol.








Joǵary qaraı