Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent tapsyrmasy: 2022 jyly arhıv qyzmetkerleriniń jalaqysy 20 paıyzǵa ósedi

2021 jyldyń 22 qyrkúıek 2021 14:18

NUR-SULTAN. QazAqparat – Kelesi jyldan bastap elimizdiń arhıv salasynda eńbek etetin qyzmetkerlerdiń tómengi jalaqysy 20 paıyzǵa deıin artpaq. Bul týraly QR Mádenıet jáne sport mınıstriniń orynbasary Ǵabıdolla Ábdirahmanov málim etti, dep habarlaıdy QazAqparat tilshisi.

«Shynyn aıtý kerek, arhıv isimen sol salaǵa berilgen adam ǵana aınalysady. Sebebi, ózińiz oılańyz jabyq, qarańǵy jerde eski qaǵazdardy qoparyp, tazalap jáne ony qalypqa keltirip otyrý kerek. Sondyqtan da bul ispen ekiniń biri aınalyspaıdy. Osy oraıda arhıv isi alǵa qoıylyp, mamandarǵa jaǵdaı jasaý kerek dep oılaımyz. Qazirgi tańda arhıv salasyndaǵy qarapaıym mamannyń ortasha jalaqysy 60 myń teńgeniń aınalasynda. 2022 jyldyń 1 qańtarynan bastap olardyń tómengi jalaqysy 20 paıyzǵa ósedi», - dedi Ǵ. Ábdirahmanov.

Vıtse-mınıstrdiń aıtýynsha, búginde elimizde 200-ge jýyq arhıv bar.

Aıta keteıik, mınıstrdiń orynbasary arhıv qyzmetkerleriniń jalaqysyna qatysty jańalyqpen elordada ótip jatqan «Táýelsizdik jáne Elbasy: jasampazdyqtyń jańa tarıhy» atty halyqaralyq ǵylymı-praktıkalyq konferentsııa kezinde tilshilerdiń suraqtaryna jaýap berý barysynda bólisti.

Eske sala ketsek, Memleket basshysy Qasym-Jomart Toqaev bıylǵy Joldaýynda 2022-2025 jyldary bıýdjetten qarjylandyrylatyn sala qyzmetkerleriniń jalaqysyn jyl saıyn 20 paıyzǵa deıin ósirý kerektigin tapsyrǵan edi.



Joǵary qaraı