Aýa raıy
Astana 6 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Shornaq aýyly men Sátbaev qalasyndaǵy jaǵdaıǵa baılanysty keńes ótkizdi

2020 jyldyń 24 shilde 2020 12:00

NUR-SULTAN. QazAqparat - Prezıdent Túrkistan jáne Qaraǵandy oblystaryndaǵy jaǵdaıǵa baılanysty keńes ótkizdi, dep habarlaıdy QazAqparat.

Bul jóninde Prezıdenttiń baspasóz hatshysy Berik Ýálı málimet taratty.

«Memleket basshysy Shornaq aýyly men Sátbaev qalasyndaǵy oqıǵalarǵa baılanysty Prezıdent Ákimshiliginiń basshylyǵymen, Túrkistan jáne Qaraǵandy oblystarynyń ákimderimen, quqyq qorǵaý organdarynyń basshylyǵymen keńes ótkizdi. Der kezinde qabyldanǵan sheshimderdiń arqasynda Shornaq aýyly men Sátbaev qalasyndaǵy jaǵdaı turaqtaldy. Tártipsizdiktiń qaıtalanýyna eshqandaı sebep joq» dep jazdy Berik Ýálı Facebook paraqshasynda.

Onyń aıtýynsha, Prezıdent jaǵdaıdy baqylaýda ustap, jergilikti turǵyndar arasynda túsindirý jumystaryn júrgizýdi, el ishindegi turaqtylyqty buzýǵa talpynǵan arandatýshylardyń aldyn alýdy, quqyq buzýshylardy zań aıasynda jaýapkershilikke tartýdy tapsyrǵan.

«Sonymen qatar ol atalǵan aımaqtardaǵy halyqtyń eń basty áleýmettik-ekonomıkalyq qajettilikterine nazar aýdarý kerek ekenin aıtty. Al quqyq qorǵaý organdaryna kámelet jasyna tolmaǵan qyzdy zorlamaq boldy degen kúdikpen ustalǵan Sátbaev qalasynyń turǵynyna qatysty tergeý jumystaryn jan-jaqty júrgizip, onyń qorytyndysy týraly jurtshylyqqa naqty aqparat berý týraly tapsyrma berdi» dep atap ótti Prezıdenttiń baspasóz hatshysy.

Eske sala keteıik, búgin QR Іshki ister mınıstri Erlan Turǵymbaev Shornaqtaǵy jaǵdaı turaqtalyp, 4 adam qamaýǵa alynǵanyn jarııa etken edi.

Al Sátpaev qalasynda 5 jasar qyzdy urlaǵan kúdikti qamaýǵa alyndy. Alaıda birneshe adam kúdiktini óz qolyna berýdi talap etip, janjal shyǵarǵan bolatyn.


Joǵary qaraı