Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Serik Jumanǵarınge azyq-túlik baǵasyn tómendetý boıynsha tapsyrma berdi

2021 jyldyń 21 maýsym 2021 17:36

NUR-SULTAN. QazAqparat - Memleket basshysy Básekelestikti qorǵaý jáne damytý agenttiginiń tóraǵasy Serik Jumanǵarındi qabyldady, dep habarlaıdy Aqorda.

Qasym-Jomart Toqaevqa áleýmettik mańyzy bar azyq-túlik taýarlary naryǵyndaǵy ahýaldy turaqtandyrý úshin qabyldanyp jatqan sharalar týraly esep berildi.

Prezıdentke Qazaqstandaǵy bırja saýdasynyń damýy, qurylys materıaldary, turǵyn úı, janar-jaǵar maı naryqtaryndaǵy baǵaǵa qatysty ahýal, sondaı-aq, kirme joldar naryǵyndaǵy jaǵdaıdy turaqtandyrý jóninde málimet berildi.

Serik Jumanǵarın Qasym-Jomart Toqaevqa memlekettik jáne jeke operatorlardyń qyzmetine júrgizilgen taldaý jónindegi tapsyrmasynyń oryndalý nátıjeleri týraly baıandady. Sondaı-aq, jumys istep turǵan qazirgi qurylymdardy ońtaılandyrý jónindegi usynystaryn aıtty. Boljam boıynsha olar 3,5 mıllıard teńge ekonomıkalyq paıda ákeledi.

Sonymen qatar Memleket basshysyna farmatsevtıka, avtojoldar qurylysy naryqtaryndaǵy, densaýlyq saqtaý salasyndaǵy monopolııaǵa qarsy áreket etý sharalary týraly aıtyldy. Salalyq vedomstvonyń jetekshisi Prezıdentke básekelestiktiń damýyna kedergi keltiretin shekteýlerdi joıý úshin Aýyl sharýashylyǵy mınıstrligimen birlesip qabyldap jatqan sharalar, Ulttyq joba jáne básekelestikti damytý jónindegi zań jobasy boıynsha atqarylyp jatqan jumystar jaıynda aıtty.

Qasym-Jomart Toqaev azyq-túlik jáne basqa da taýarlardyń baǵasyn tómendetý jóninde júıeli sharalar qabyldaýdy tapsyrdy. Atap aıtqanda Qasym-Jomart Toqaev negizgi azyq-túlik óndirisi kólemin ulǵaıtý, otandyq taýar óndirýshilerge memlekettik qoldaý sharalarynyń qoljetimdiligin qamtamasyz etý, halyqtyń áleýmettik jaǵdaıy nashar toptaryna qoldaý kórsetý qajet dep sanaıdy.



Joǵary qaraı