Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent «Samuryq-Qazyna» basqarma tóraǵasy Almasadam Sátqalıevti qabyldady

2021 jyldyń 25 mamyr 2021 17:47

NUR-SULTAN. QazAqparat - Qazaqstan Prezıdenti «Samuryq-Qazyna» UÁQ» AQ Basqarma tóraǵasy Almasadam Sátqalıevti qabyldady, dep habarlaıdy Aqorda.

Memleket basshysyna «Samuryq-Qazyna» UÁQ» aktsıonerlik qoǵamynyń qazirgi jumysy men negizgi qarjylyq kórsetkishteri, kásiporyndaǵy sanıtarlyq-epıdemıologııalyq ahýal, sondaı-aq, qor qyzmetkerlerine ekpe egý barysy týraly baıandaldy.

Qasym-Jomart Toqaevqa ınfraqurylym, munaı-gaz jáne energetıka baǵytyndaǵy mańyzdy jobalardyń júzege asyrylý barysy jóninde málimet berildi.

Sonymen qatar Almasadam Sátqalıev Prezıdentke gaz tasymaldaý ınfraqurylymyn jańǵyrtý, Qashaǵan ken ornyndaǵy gazdy qaıta óńdeý zaýytynyń qurylysy, «Astrahan-Mańǵyshlaq» magıstraldi sý taratqyshy men «Dostyq-Moıynty» temirjol kólik dálizin qaıta jańǵyrtý josparyn aıtty.

Kezdesý qorytyndysy boıynsha Memleket basshysy ınfraqurylymdyq jobalardy iske asyrýǵa, jańa jumys oryndaryn ashýǵa jáne qazaqstandyq ónimniń úlesin arttyrýǵa qatysty birqatar naqty tapsyrma berdi.



Joǵary qaraı