Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent penıtentsıarlyq mekemelerdegi adamdardyń quqyǵy máselesin kóterdi

2021 jyldyń 25 aqpan 2021 14:25

NUR-SULTAN. QazAqparat – Ulttyq qoǵamdyq senim keńesiniń besinshi otyrysynda QR Prezıdenti Qasym-Jomart Toqaev sottalǵandar qamaýda otyrǵan mekemelerdegi baqylaý júıesine qatysty pikir bildirdi, dep habarlaıdy QazAqparat tilshisi.

Prezıdenttiń aıtýynsha, kelesi mańyzdy másele – penıtentsıarlyq mekemeler men polıtsııanyń qyzmettik oryndarynda adamdardyń quqyqtaryn qamtamasyz etý. Tájirıbe kórsetip otyrǵandaı, qoldanystaǵy beınebaqylaý júıesi osy mekemelerde bolyp jatqan jaǵdaıdyń monıtorıngin tıisti deńgeıde qamtamasyz etpeı otyr. Bul nysandardaǵy kóptegen oryndar nazardan tys qalyp tur.

Osy oraıda Memleket basshysy quqyq qorǵaý organdary qyzmetiniń vıdeobaqylaý tujyrymdamasyn qaıta qarastyrý kerektigin atap ótti.

«Ózimniń Joldaýymda dál osy máseleler boıynsha beınebaqylaý júıesin engizýdi tapsyrǵan bolatynmyn, bul qadam barlyq kórinbeıtin ýchaskelerdi qamtý úshin kerek», - dedi Q. Toqaev.

Sonymen qatar Memleket basshysy ustalǵandar, kúdiktiler men sottalǵandardyń qamaýdaǵy jaǵdaıyna qatysty, sondaı-aq olarǵa baılanysty tártip saqshylary qandaı sharalar qabyldap jatqany týraly naqty kórinis ashyq bolýy tıistigin jetkizdi.

Eske salsaq, Ulttyq keńestiń besinshi otyrysy ótip jatyr. Ulttyq qoǵamdyq senim keńesi quramynda rotatsııa jasaldy. Jańartylǵan Májilis quramynda Ulttyq keńestiń 9 múshesi bar. _Ótken jyly 22 qazanda QR Prezıdenti Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy, al 2019 jyly 6 qyrkúıekte alǵashqy otyrysy boldy.
Joǵary qaraı