Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent Memlekettik qyzmet isteri agenttigi tóraǵasyna birqatar tapsyrma berdi

2022 jyldyń 3 mamyr 2022 16:00

NUR-SULTAN. QazAqparat - Prezıdent Qasym-Jomart Toqaev Memlekettik qyzmet isteri agenttiginiń tóraǵasy Darhan Jazyqbaevty qabyldady, dep habarlaıdy Aqorda.

Kezdesýde Memleket basshysyna Agenttiktiń qazirgi atqaryp jatqan jumystary men aldaǵy jospary týraly baıandaldy.

Darhan Jazyqbaev memlekettik qyzmetke kirý úshin artyq kedergiler men tosqaýyldardy alyp tastaý jáne odan shyǵý tártibin jeńildetý, memlekettik qyzmettiń kez kelgen qazaqstandyqqa ashyq bolýyna qatysty usynystar berdi. Sonymen qatar Prezıdentke memlekettik apparattyń qyzmetin bıýrokratııadan aryltý jumystary jóninde aıtty.

Agenttik tóraǵasy Prezıdentke 2022-2023 jyldary «E-qyzmet» aqparattyq júıesin jańǵyrtý týraly josparyn usyndy. Onyń aıtýynsha, bıyl syrtqy portaldy qurý arqyly «E-qyzmet» bazasynda memlekettik qyzmetke irikteý jáne qabyldaý protsesi tolyq tsıfrlandyrylady.


Al 2023 jyly basqa da kadrlyq úderister, atap aıtqanda, rotatsııa, taǵylymdama, biliktilikti arttyrý jáne basqa da qyzmetter avtomattandyrylady. Sonymen qatar Darhan Jazyqbaev memlekettik qyzmet kórsetý sapasyn jetildirý barysyna da toqtaldy.

Vedomstvo basshysy Agenttiktiń 2023 jyldan bastap memlekettik qyzmetke irikteýdi proktorıng tehnologııasyn qoldaný arqyly onlaın túrde ótkizýdi josparlap otyrǵanyn jetkizdi.

Sondaı-aq Qasym-Jomart Toqaevtyń baǵynyshty uıymdardy qysqartý jónindegi tapsyrmasy boıynsha «Memlekettik qyzmettegi personaldy basqarý ortalyǵynyń» AQ shtattyq birlikteri men bıýdjetin saqtaı otyryp, Memlekettik basqarý akademııasynyń quramynda HR-ınstıtýtyn qurý týraly aıtty.

Kezdesý barysynda Prezıdent memlekettik qyzmetke irikteý júıesin odan ári jetildirý, merıtokratııa qaǵıdatyn ilgeriletý jáne adamǵa baǵdarlanǵan servıstik memlekettik apparat qalyptastyrý jóninde tapsyrmalar berdi.


Joǵary qaraı