Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent kúshtik qurylymdardyń basshylarymen keńes ótkizdi

2022 jyldyń 15 qańtar 2022 13:32

NUR-SULTAN. QazAqparat - Memleket basshysy Qasym-Jomart Toqaevtyń tóraǵalyǵymen ókiletti organdar basshylarynyń keńesi ótti, dep habarlaıdy QazAqparat Aqordanyń resmı saıtyna silteme jasap.

Jıynǵa Bas prokýratýranyń, Ulttyq qaýipsizdik komıtetiniń, Qorǵanys jáne Іshki ister mınıstrlikteriniń birinshi basshylary, sondaı-aq Prezıdent Ákimshiliginiń basshylyǵy men Qaýipsizdik Keńesiniń Apparaty qatysty.

Memleket basshysyna qańtar aıynyń birinshi onkúndiginde elimizdiń birqatar óńirinde bolǵan oqıǵalar boıynsha sotqa deıingi aldyn ala tergeý amaldarynyń barysy, sondaı-aq arnaıy júrgizilgen operatsııalardyń nátıjeleri, elimizde qoǵamdyq qaýipsizdik pen quqyqtyq tártipti qamtamasyz etý sharalary týraly baıandaldy.

Keńes qorytyndysy boıynsha Qasym-Jomart Toqaev birqatar naqty tapsyrmalar berdi. Qazaqstanda, sonyń ishinde Almatyda bolǵan qaıǵyly jaǵdaılardy jan-jaqty zertteý máselesine, qaza bolǵan beıbit turǵyndardyń naqty sanyn anyqtaýǵa, qıyn-qystaý kezderde kúshtik qurylymdardyń is-qımyldaryn úılestirýdiń jańa normatıvtik bazasyn ázirleýge basa mán berildi.

Qasym-Jomart Toqaev Qaýipsizdik Keńesiniń hatshysyna Arnaýly operatsııalar kúshterin jasaqtaý jumystaryn jedeldetýdi jáne ulttyq qaýipsizdik júıesin qaıta qurý jóninde naqty usynys berýdi tapsyrdy.

Prezıdent lańkestikke qarsy operatsııalar men tergeý sharalaryn júrgizý barysynda azamattar quqyǵynyń buzylýyna jol bermeýdiń mańyzdy ekenin aıtty.


Basty sózder: Aqorda, Qazaqstan Prezıdenti,
Joǵary qaraı