Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Qazaqstannyń kómirteginen beıtaraptylyq doktrınasynyń qarjylyq aýqymyn atady

2021 jyldyń 13 qazan 2021 19:47

NUR-SULTAN. QazAqparat – 2060 jylǵa qaraı parnıktik gazdardyń teńgerimin nóldik deńgeıge jetkizý úshin 700 mlrd dollar qajet bolady.

Elordada ótip jatqan «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» atty halyqaralyq konferentsııada Memleket basshysy Qasym-Jomart Toqaev osyndaı derek keltirdi, dep habarlaıdy QazAqparat tilshisi.

«Qoıylyp otyrǵan maqsattardy tabysty iske asyrý 2030 jyldyń maqsattaryna ǵana emes, ıaǵnı shyǵaryndylardy 1990 jylǵy deńgeıden 15% tómendetýge, sondaı-aq 2060 jylǵa qaraı parnıktik gazdardyń teńgerimin nóldik deńgeıge jetkizýge múmkindik beredi», - dedi Qasym-Jomart Toqaev.

Sondaı-aq, ol osy sharalardyń nátıjesinde atmosferaǵa 9 mıllıard tonnadan astam kómirteginiń qorshaǵan ortaǵa tastalý joly kesiletinin atady.

«Doktrına jobasy boıynsha, elde bul stsenarıdi júzege asyrý úshin shamamen 700 mıllıard dollar qajet bolady. Bul ınvestıtsııalardyń jartysy elektr energııasy men jylý óndirý sektoryn jańǵyrtý úshin qajet. Árıne, biz barlyq sandardy muqııat sanap, kirispelerdi muqııat tekserip, quraldar jıyntyǵynyń durystyǵyna kóz jetkizýimiz kerek», - dedi Prezıdent


Joǵary qaraı