Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent qazaqstandyqtardy Oraza aıt merekesimen quttyqtady

2021 jyldyń 13 mamyr 2021 07:30

NUR-SULTAN. QazAqparat - Memleket basshysy Qasym-Jomart Toqaev qazaqstandyqtardy Oraza aıt merekesimen quttyqtady, dep habarlaıdy QazAqparat Aqordanyń baspasóz qyzmetine silteme jasap.

«Ardaqty aǵaıyn!

Barshańyzdy Oraza aıt merekesimen shyn júrekten quttyqtaımyn!

Rýhanı tazarý men jańarýǵa jol ashatyn osy qasıetti meıram kúlli musylman qaýymy úshin aıryqsha mańyzdy.

Ramazan aıyna jalǵasqan bul jarqyn mereke qasterli dinimizdegi meıirim men shapaǵat, janashyrlyq pen qamqorlyq sııaqty asyl qundylyqtardy dáripteıdi.

Oraza aıt ár adamnyń júregine ıman nuryn seýip, izgilikke úndeıdi, jurtty jaqsylyqqa jetelep, qoǵamdy ıgi isterge jumyldyrady. Sol arqyly halqymyzdyń bereke-birligin nyǵaıtyp, yrys-yntymaǵyn arttyrady.

Barshamyz aıttan aıtqa aman-esen jete bereıik!

Sizderge zor densaýlyq, baq-bereke tileımin!

Ár shańyraq shýaqqa bólenip, qýanyshqa kenelsin!

Oraza aıt qutty bolsyn!», delingen quttyqtaýda.


Basty sózder: Qazaqstan Prezıdenti, Oraza, Din,
Joǵary qaraı