Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent Qasym-Jomart Toqaev Úkimetke birqatar shuǵyl tapsyrma berdi

2022 jyldyń 6 qańtar 2022 12:49

NUR-SULTAN. QazAqparat - Prezıdent Qasym-Jomart Toqaev Úkimetke birqatar shuǵyl tapsyrma berdi, dep habarlaıdy Aqorda.

1. Bas prokýratýra, ІІM, UQK jáne basqa da quzyrly organdar ókilderin qatystyra otyryp, bolǵan oqıǵanyń sebepterin anyqtaý, kinálilerdiń bárin taýyp, qylmystyq jáne ákimshilik jaýapkershilikke tartý jóninde arnaýly tergeý tobyn qurý;

2. Qarýly Kúshterge, UQK, ІІM, Ulttyq ulan jáne basqa da kúshtik qurylymdarǵa áskerı daıyndyǵyn kúsheıtý jáne jabdyqtaý sharalaryn qamtamasyz etý, áskerı qyzmetshilerdiń moraldyq rýhyn qoldaý;

3. Óńirlerdiń ákimderine qaza bolǵan polıtsııa qyzmetkerleri men Qarýly Kúshter áskerı qyzmetshileriniń otbasylaryna laıyqty materıaldyq kómek kórsetý;

4. Tsıfrlyq damý, ınnovatsııalar jáne aeroǵarysh ónerkásibi mınıstrligine Іshki ister mınıstrligimen birlesip, qylmystyq toptardyń is-áreketteri saldarynan zardap shekkender men iz-túzsiz joǵalyp ketkender týraly aqparatty halyqqa usyný úshin 1414 call-ortalyǵynyń bazasynda tikeleı jeli uıymdastyrý;

5. Tártipsizdik saldarynan keltirilgen shyǵyn kólemin anyqtaý jóninde komıssııa qurý; jaǵdaı turaqtalǵannan keıin Almaty qalasy men basqa da óńirlerdegi ákimshilik ǵımarattardy, áleýmettik nysandardy, turǵyn úılerdi qalpyna keltirý jumystaryna kirisý;

6. Ákimderge kommýnaldyq qyzmet túrleriniń, qoǵamdyq kólik pen áleýmettik ınfraqurylym nysandarynyń jumysyn turaqtandyrý;

7. Almaty qalasy men basqa da óńirlerde qylmystyq is-áreketterden zardap shekken shaǵyn jáne orta bıznes sýbektilerine memlekettik qoldaý kórsetý sharalaryn qabyldaý;

8. Ulttyq bank pen Qarjylyq monıtorıng agenttigine jaǵdaı turaqtalǵannan keıin ekinshi deńgeıli bankter men ózge de qarjy uıymdarynyń turaqty ári úzdiksiz jumysyn qalpyna keltirýdi qamtamasyz etý;

9. Dıplomatııalyq ókildikterdi, sondaı-aq sheteldik ınvestıtsııalar men sheteldik kompanııalar bıznesiniń sýbektilerin qorǵaý sharalaryn qabyldaý;

10. QR Syrtqy ister mınıstrligine shet memlekettermen, halyqaralyq uıymdarmen jáne basqa da seriktestermen aradaǵy ekijaqty jáne kópjaqty yntymaqtastyqtyń qazirgi máseleleri boıynsha turaqty baılanysty qamtamasyz etý jóninde tapsyrma berildi.



Joǵary qaraı