Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent kásipkerlerdiń negizsiz qýdalanýyn synǵa aldy

2022 jyldyń 19 mamyr 2022 18:32

NUR-SULTAN. QazAqparat – Bıznes pen memleket múddesi arasyndaǵy tepe-teńdikti qatań saqtaý qajet. Bul týraly QR Prezıdenti Qasym-Jomart Toqaev otandyq bıznes ókilderimen kezdesýinde aıtty, dep habarlaıdy QazAqparat tilshisi.

«Bıznes pen memleket múddesi arasyndaǵy tepe-teńdik qatań saqtalýy tıis. Ol úshin kelesi qadamdardy jasaý kerek. Birinshi, baqylaýshy organdar qyzmetiniń repressıvtik sıpatyn tómendetý jónindegi júıeli sharalar talap etiledi. Negizsiz qýdalaý, quqyq qorǵaý organdarynyń qysymy áli de bar degen kóptegen dabyl qaǵylyp jatyr», - dedi Prezıdent.

Aıtýynsha, keıingi bes aıda prokýrorlar 100 myńǵa jýyq kásipkerdiń quqyǵyn qorǵaǵan. Bul - tutas 2021 jylǵy kórsetkishpen shamalas. Atalǵan faktiler tergeý organdarynyń bıznesti qylmystyq qýdalaýǵa ıtermeleıtinin bildiredi.

«Bas prokýratýra kásipkerlik sýbektilerine qatysty baqylaý-qadaǵalaý jáne ásirese tergeý áreketterin zańsyz júrgizý faktilerine jol bermeýdi qatań baqylaýy qajet. Kásipkerlerdi kúdikti retinde taný tájirıbesi de keń taralǵan, al is júzinde bul - jaı ǵana múliktik daýlar. Qazirgi ýaqytta kez kelgen tirkelgen ótinish avtomatty túrde qylmystyq is qozǵaýdy bildiredi. Bul kásipkerdiń qyzmetin, ınvestıtsııalardy toqtatady, iskerlik bedelge nuqsan keltiredi. Sonymen qatar, sotqa deıingi tergeý uzaqqa sozylýy múmkin. Bul - kezdeısoqtyq emes, quqyq qorǵaý organdarynyń teris pıǵyldy qyzmetkerleriniń múddesi úshin jumys isteıtin júıe. Mundaı mysaldar az emes», - deıdi Q. Toqaev.

Prezıdent quqyq qorǵaý organdary eń aldymen, alaıaqtyq faktilerin ashýǵa, qarajatty jylystatý, zańsyz qolma-qol aqshaǵa aınaldyrý, qarjy pıramıdalaryn qurý máselelerine basa mán berýi kerek. Kóleńkeli ekonomıkamen batyl kúresý qajet.

«Biz azamattyq tekserýshilerdiń qyzmetin qatań rettedik. Táýekelderdi basqarý júıesi, tekserý paraqtary, profılaktıkalyq baqylaý engizildi. Nelikten bul quqyq qorǵaý organdaryna qatysty jasalmaıdy?» - dedi Qasym-Jomart Toqaev.


Joǵary qaraı