Aýa raıy
Astana 4 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent karantın sharalaryn eki aptaǵa uzartýdy tapsyrdy

2020 jyldyń 29 shilde 2020 12:05

NUR-SULTAN. QazAqparat - Memleket basshysy Qasym-Jomart Toqaev epıdemıologııalyq ahýaldy turaqtandyrý jóninde keńes ótkizdi, dep habarlaıdy Aqorda.

Premer-Mınıstr Asqar Mamın Prezıdentke 5 shildeden bastap elimizde qatań karantın sharalary engizilgennen keıin indet juqtyrýshylardyń sany 29 paıyzǵa tómendegenin baıandady. Bir kúnde indet juqtyratyn adamdardyń sany 1500-1600 aralyǵynda turaqtaǵan. Statsıonarlardaǵy emdelýshilerdiń qatary 43 paıyzǵa, onyń ishinde, reanımatsııalyq palatalardaǵy naýqastar sany 27 paıyzǵa azaıǵan. Saýyǵyp shyqqandardyń sany 63 paıyzǵa deıin ósken. Jedel-járdem shaqyrý jaǵdaıy tómendegen. Osylaısha densaýlyq saqtaý júıesiniń negizgi júkteme kórsetkishin tómendetýge qol jetkizilgen.

Sonymen qatar Asqar Mamın Qasym-Jomart Toqaevqa dertke shaldyǵý jáne adam ólimi, medıtsınalyq kómektiń qol jetimdiligi men sapasy, halyqtan test synamasyn alý deńgeıi, ıntensıvti terapııa jáne reanımatsııa palatalarynyń qajetti dári-dármektermen, medıtsınalyq qural-jabdyqtarmen qamtamasyz etilýi sekildi negizgi kórsetkishter boıynsha óńirlerdegi ahýalǵa júrgizilgen kúndelikti monıtorıng jaıynda málimet berdi.

Densaýlyq saqtaý mınıstri Alekseı Tsoı Memleket basshysyna ınfraqurylym nysandarynyń epıdemıologııalyq ahýalǵa jáne ekonomıkaǵa áserin eskere otyryp, karantın sharalaryn kezeń-kezeńimen jeńildetý joldaryn baıandady.





Memleket basshysy koronavırýs indetine shaldyǵýshylardyń jáne sonyń saldarynan bolatyn ólim-jitimniń kórsetkishin odan ári tómendetýdiń asa mańyzdy ekenin atap ótti.

Shilde aıynda engizilgen shekteý sharalarynyń oń áserin odan ári arttyrý maqsatynda, sondaı-aq, Qazaqstandaǵy jáne shekaralas memleketterdegi epıdemıologııalyq jaǵdaıdyń kúrdelene túsý yqtımaldyǵyn eskere otyryp, Qasym-Jomart Toqaev Memlekettik komıssııaǵa karantın sharalaryn kezeń-kezeńimen jeńildetý arqyly eki aptaǵa uzartýdy tapsyrdy.


Basty sózder: Qazaqstan Prezıdenti, Aqorda,
Joǵary qaraı