Aýa raıy
Astana -14 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Qaraǵandydaǵy ferroqorytpa zaýytyna bardy

2020 jyldyń 23 qarasha 2020 17:39

QARǴANDY. QazAqparat – Qazaqstan Prezıdenti Qasym-Jomart Toqaev«YDD CORPORATION» JShS-niń ferroqorytpa zaýytyna bardy, dep habarlaıdy Aqorda.

Memleket basshysy joǵary sapaly ferrosılıtsııa (FeSi75) óndirisimen tanysty. Bul ónimniń qospasy bolat, shoıyn qorytý kezinde metalldardyń mehanıkalyq jáne korrozııalyq tózimdiligin jaqsartý úshin qoldanylady.

Qasym-Jomart Toqaevqa óndiris protsesi men óndiriste, qurylysta, keme, áýe kólikterin jáne avtomobıl jasaýda qoldanylatyn daıyn ónimder kórsetildi.

Zaýyttyń qýattylyǵy jylyna 180 myń tonna ónim óndirýge jetedi. Onda qoldanylatyn tehnologııa ferrosılıtsııa men ferromarganets óndirýge múmkindik beredi. Jobadaǵy otandyq ónimniń úlesi 95 paıyzdan asady.




Zaýyttyń aktsıonerleri E.Nyǵmatýlın, A.Kemertelıdze jáne J.Appaz atalǵan jobanyń jergilikti jáne jahandyq suranysty qamtamasyz etetinin aıtty. Atap aıtqanda, munda óndirilgen ferrosılıtsııa Qazaqstannan bólek, Eýropa, Ońtústik Shyǵys Azııa, Soltústik jáne Ońtústik Amerıka elderiniń naryǵyna shyǵarylady.

Kásiporynnyń ónimi sapasy jaǵynan eń joǵary álemdik talapqa saı keledi. Pandemııa kezinde kompanııa ónimniń satylý aýmaǵyn 15 elge arttyryp, Qazaqstannyń eksporttyq áleýetin kóterýge úles qosty. Qazirgi tańda zaýyt óz ónimin álemniń 37 eline eksporttaıdy.

Kompanııa COVID-19 pandemııasynyń birinshi tolqyny kezinde jumys kestesin vahtalyq ádiske kóshirip, barlyq qajetti jaǵdaı jasaǵanynyń arqasynda qazirgi óndiris kólemin saqtap qaldy.




Sonymen qatar Prezıdent óndiristi basqarý ortalyǵyn aralap kórip, «Qaz Qarbon» JShS-niń jańa jobasymen tanysty.

– Bul óte qajetti jáne jaqsy joba. Qutty bolsyn. Qazaqstandy ındýstrıalandyrýǵa qomaqty úles qosqanyn aıtpaǵannyń ózinde, el ekonomıkasynyń mańyzdy aktıvi sanalady. Óndiristi jyldam kórip shyqtyq. Biraq buǵan qatysty úlken josparlarymyz bar. Baqylap, kómektesip otyramyz, – dedi Memleket basshysy.

Kezdesý sońynda Qasym-Jomart Toqaev ferroqorytpa zaýytynyń eńbek ujymyna tabys tiledi.






























Joǵary qaraı