Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent halyqaralyq áskerı yntymaqtastyqty damytýdy tapsyrdy

2020 jyldyń 2 qazan 2020 16:15

NUR-SULTAN. QazAqparat - Qazaqstan Prezıdenti Qasym-Jomart Toqaev Qorǵanys mınıstri Nurlan Ermekbaevty qabyldady, dep habarlaıdy QazAqparat Aqordanyń baspasóz qyzmetine silteme jasap.

Qazaqstan Prezıdenti – Qarýly Kúshterdiń Bas qolbasshysy Qasym-Jomart Toqaev armııanyń áskerı jáne shuǵyl áreketterge daıyndyǵy, azamattardy áskerge shaqyrýdyń kúzgi naýqanynyń barysy, sondaı-aq, Almaty oblysynda ótip jatqan bitimgershilik oqý-jattyǵý jıyny jóninde Qorǵanys mınıstriniń esebin tyńdady.

Memleket basshysy Qorǵanys mınıstrliginiń aldyna birqatar mindet qoıdy. Sonyń ishinde Qarýly Kúshterdi qalyptastyrý tujyrymdamasyn ázirleý kezinde Qazaqstan armııasynyń radıatsııalyq jáne hımııalyq qorǵanysyna qajetti qural-jabdyqtardyń zamanaýı túrlerimen jabdyqtalýyna, áskerı-tehnıkalyq avıatsııa men ınjenerlik áskerdi kúsheıtýge, ınfraqurylymdy damytýǵa erekshe nazar aýdarýdy tapsyrdy.

Qasym-Jomart Toqaev halyqaralyq áskerı yntymaqtastyqty damytýǵa, kadrlyq saıasat pen áskerimizdiń qysqy maýsymǵa daıyndyǵyna qatysty birqatar tapsyrma berdi.


Joǵary qaraı