Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent belgili aıtysker aqyn Hansha Raısovanyń jaqyn týystaryna kóńil aıtty

2021 jyldyń 18 shilde 2021 00:35

NUR-SULTAN. QazAqparat - Prezıdent Qasym-Jomart Toqaev belgili aıtysker aqyn Hansha Raısovanyń otbasy men jaqyn týystaryna kóńil aıtty, dep habarlaıdy QazAqparat Prezıdenttiń baspasóz hatshysy Berik Ýálıge silteme jasap.

Memleket basshysy Qasym-Jomart Toqaev kórnekti mádenıet qaıratkeri, respýblıkalyq aqyndar aıtysynyń birneshe dúrkin júldegeri, Almaty oblysynyń qurmetti azamaty Hansha Musabaıqyzy Raısovanyń dúnıeden ótýine baılanysty kóńil aıtý jedelhatyn joldady.

«Hansha Musabaıqyzy 1980-1990 jyldary aıtys óneri qaıta jandanǵan tusta jarq etip kóringen aqyndardyń biri edi. Ol mádenı qundylyqtarymyzdy jáne rýhanı qazynamyzdy dáriptep, el ishindegi jáne halyqaralyq jyr saıystarynda júldeli oryndardy jeńip aldy. El-jurttyń aıryqsha qurmeti men yqylasyna bólendi. ıÝNESKO syılyǵynyń laýreaty atandy. Jas ónerpazdardy sóz zergeri bolýǵa baýlyp, Jetisý óńirinde aqyndar mektebin qalyptastyrýǵa atsalysty.

Qazaqtyń aıtys atty ádebı murasyn órkendetýge mol úles qosqan Hansha Musabaıqyzynyń jarqyn beınesi umytylmaıdy. Halqymyz belgili aqynnyń esimin árdaıym ardaq tutady», – dep jazylǵan Prezıdenttiń jedelhatynda.

Eske sala ketsek, búgin respýblıkalyq aqyndar aıtysynyń birneshe dúrkin júldegeri, Almaty oblysynyń qurmetti azamaty Hansha Raısova dúnıeden ótken habarlanǵan edi.

Halyqaralyq ıÝNESKO syılyǵynyń laýreaty, aqyndar mektebiniń ustazy Hansha Musabaıqyzy 1956 jyly 5 qazanda Almaty oblysy Qapal aýdany Qońyr aýylynda dúnıege kelgen. 1989 jyldan bastap ártúrli deńgeıdegi jyr saıystaryna qatysa bastady. «Qazaq tili» qoǵamy uıymdastyrǵan respýblıkalyq aıtysta bas júlde (1990), Abaıdyń 150 jyldyǵyna arnalǵan halyqaralyq aıtysta ІІІ oryn (1995) ıelengen. QHR-da, Reseıde, Ózbekstanda, sondaı aq oblys aýqymynda ótken aıtystarda birneshe ret arnaýly júldege ıe boldy.

Basty sózder: Óner, Qazaqstan Prezıdenti,
Joǵary qaraı