Aýa raıy
Astana -23 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent bastamalary memlekettik basqarý júıesine jańa tulǵalardy usyný platformasyna aınaldy - Erlan Qarın

2020 jyldyń 27 qarasha 2020 17:14

NUR-SULTAN. QazAqparat - Prezıdent bastamalary memlekettik basqarý júıesine jańa tulǵalardy usyný platformasyna aınaldy. Mundaı pikirdi QR Prezıdentiniń keńesshisi Erlan Qarın aıtty, dep habarlaıdy QazAqparat tilshisi.

«Prezıdent bastamalary - Ulttyq qoǵamdyq senim keńesi pen Prezıdentti jastar kadrlyq rezervi memlekettik basqarý júıesine jańa tulǵalardy ilgeriletý platformasyna aınaldy. Aıtalyq, qazirgi ýaqytta Ulttyq keńestiń 12 múshesi QR Parlamenti Májilisi depýtattyǵyna kandıdattardyń partııalyq tizimi quramyna kirdi: «Aýyl» partııasynan - Tóleýtaı Rahymbetov pen Qýat Dáýren, «Aq jol» Qazaqstannyń demokratııalyq partııasynan - Danııa Espaeva men Isa Qazybek, Qazaqstannyń halyq partııasynan - Jambyl Ahmetbekov. Ulttyq keńestiń birqatar óńili «Nur Otan» partııasynyń partııalyq tizimin tolyqtyrdy: Saıasat Nurbek, Qanat Nurov, Baqytbek Smaǵul, Berik Ábdiǵalıuly, Erlan Saırov, Aıdos Sarym jáne Bekbolat Tileýhan», - dep jazdy ol Telegram paraqshasynda .

Sonymen qatar, ol buǵan deıin Ulttyq keńestiń birqatar múshesi memlekettik organnyń joǵary satylaryna taǵaıyndalǵanyn atap ótedi. Olardyń qatarynda QRTsıfrlyq damý, ınnovatsııa jáne aeroǵarysh ónerkásibi mınıstri Baǵdat Mýsın, Shymkent qalasy ákiminiń birinshi orynbasary Shyńǵys Muqan, Qaraǵandy oblysy Ulytaý aýdanynyń ákimi Berik Ábdiǵalıuly, Aqparat jáne qoǵamdyq damý mınıstriniń keńesshisi Maksım Rojın, Eńbek jáne halyqty áleýmettik qorǵaý mınıstriniń shtattan tys keńesshisi Emın Áskerov bar.

«Óz kezeginde Prezıdenttik jastar kadrlyq rezervi de is júzinde jastar men bilikti kadrlardy ilgeriletý úshin áleýmettik lıfti retinde tıimdiligin kórsetip otyr. «Nur Otan« partııasynan partııalyq tizimi boıynsha kandıdattar qataryna rezervshiler - Rasýl Medetov, Tilektes Adambaev jáne Zúlfııa Súleımenova kirdi. Tolyqtaı alǵanda 300 rezervshiniń 166-sy qazirgi ýaqytta memlekettik organdardyń jáne kvazmemlekettik kásiporyndardyń túrli pozıtsııalaryna jumysqa ornalasty», - dedi E.Qarın.


Joǵary qaraı