Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent bastamalary memleket pen qoǵam arasyndaǵy baılanys tetikterin jetildirýge negizdelgen - sarapshy

2021 jyldyń 18 qańtar 2021 16:33

NUR-SULTAN. QazAqparat – Prezıdenttiń usynǵan jáne júzege asyrylǵan bastamalarynyń basym bóligi memleket pen qoǵam arasyndaǵy baılanys tetikterin jetildirýge negizdelgen. Búgin QR Prezıdenti janyndaǵy QSZI dırektorynyń orynbasary Sanat Kóshkimbaev osylaı málim etti, dep habarlaıdy QazAqparat tilshisi.

«Saıasattanýda memleket pen qoǵam arasyndaǵy keri baılanys tetigi dep atalatyn túsinikke nazar aýdarǵym keledi. ıAǵnı, usynylǵan ári iske asyrylǵan Prezıdent bastamalarynyń eleýli bóligi memleket pen qoǵam arasyndaǵy keri baılanys tetigin jetilderýge negizdelgen. Bul óz kezeginde barsha túrlený men ózgeristerdiń negizi bolyp tur. Atap aıtqanda, beıbit jıyndardy qıymdastyrý tártibin ózgertý, parlamenttik oppozıtsııa ınstıtýtyn qurý, jergilikti ózin-ózi basqarýdy damytý kontseptsııasy bar», - dedi sarapshy «Prezıdenttik jańa saıası reformalar paketi» taqyrybyndaǵy sarapshylyq talqylaý barysynda.

Onyń aıtýynsha, Memleket basshysy saıası partııalardyń Parlament Májilisine ótýi shegin tómendetýge qatysty mańyzdy bastamany kóterdi.

«Bizde bes partııa saılaýǵa qatysty. Ótken saılaý nátıjesin eskere otyryp, 7 paıyzdyq meje olarǵa joǵary bolyp tur. Ózderińiz bilesizder, 5 paıyzdyq mejeni «Aýyl» partııasy eńserdi», - dedi S. Kóshkimbaev.

Onyń paıymynsha, barlyq deńgeıdegi saılaý bıýlletenine « bárine qarsymyn « degen jazýdy engizý de mańyzdy.

«Bul óz kezeginde aýqymdy áleýmettik saýalnama ispettes. Osy oraıda turǵyndardyń tikeleı pikirin bilýge, barsha saıası kúshterge baǵa erýge jol ashady», - dedi sarapshy.

«Meniń oıymsha, reformalardyń kezeń-kezeńmen ótýi – mańyzdy qadam. Bul qadamdar saıası túrlenýdiń ózekti bóligi bolyp tur», - dedi Sanat Kóshkimbaev.

Aıta keteıik, búgingi sarapshylyq talqylaýǵa saıası partııalardyń, úkimettik emes uıymdardyń ókilderi, zańgerler, tanymal saıasattanýshylar qatysyp jatyr.


Joǵary qaraı