Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent: Azamattyq qoǵam ınstıtýttaryn barynsha qoldaý kerek

2021 jyldyń 21 qazan 2021 12:14

NUR-SULTAN. QazAqparat – Azamattyq qoǵam ınstıtýttaryn barynsha qoldaý kerek. Bul týraly Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Aqparat jáne qoǵamdyq damý mınıstrligi etnosaralyq qatynas salasyna júıeli saraptama júrgizýde. Buǵan qosa, mınıstrlik qandaı da bir kıkiljiń týyndaǵan kezde tıimdi áreket jasaýdyń ádis-tásilderin aıqyndaıdy. Barlyq deńgeıdegi ákimder usynymdardy sapaly oryndaýǵa tıis», - dedi Qasym-Jomart Toqaev.

Memleket basshysy bul jumysta Assambleıanyń tájirıbesine arqa súıegen jón ekenin basa aıtty.

«Sondaı-aq Beıbitshilik pen kelisimdi nyǵaıtý úshin azamattyq qoǵam ınstıtýttaryn barynsha qoldaý kerek. Tıisti laýazymdy tulǵalar olardyń qyzmetiniń úılesimdi bolýyna tikeleı jaýap beredi. Bul salada salǵyrttyq pen qatelikke jol berýge bolmaıdy. Osyny árkim este saqtaýy qajet», - dedi QR Prezıdenti.


Joǵary qaraı