Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Astana Group kompanııasynyń basshysy Nurlan Smaǵulovty qabyldady

2021 jyldyń 19 qazan 2021 15:50

NUR-SULTAN. QazAqparat - Qazaqstan Prezıdenti Astana Group kompanııasynyń negizin qalaýshy ári basshysy Nurlan Smaǵulovty qabyldady, dep habarlaıdy Aqordanyń baspasóz qyzmeti.

Kezdesý barysynda Memleket basshysyna Astana Group kompanııasynyń jumysy men damý perspektıvalary týraly aqparat berildi.

Atap aıtqanda, Nurlan Smaǵulov Qasym-Jomart Toqaevqa kompanııalar tobynyń bıýdjetke tólep otyrǵan salyq mólsheriniń 90 mıllıard teńgege deıin artqany, eksport tasymalynyń óskeni, sondaı-aq jeńil tehnıka shyǵaratyn zaýytty keńeıtýge jáne Almaty qalasyndaǵy beıneleý óneri mýzeıiniń qurylysyna qatysty josparyn aıtty.

Prezıdentke «Mega» saýda ortalyqtarynyń halyqqa ekpe salý naýqanyna atsalysyp jatqany jóninde málimet berildi. Nurlan Smaǵulovtyń aıtýynsha, atalǵan saýda ortalyqtarynda 150 myńnan astam adamǵa vaktsına salynǵan.

Sonymen qatar bıznesmen Prezıdentke bıýdjeti 1 mıllıard teńge bolatyn óziniń qaıyrymdylyq qorynyń qyzmeti týraly da aıtty.

Qor mádenıet pen sportty damytýǵa áleýmettik-qarjylaı qoldaý kórsetip, turmysy tómen otbasylarǵa kómek kórsetedi.

Budan bólek Nurlan Smaǵulov elimizdiń Velosport federatsııasynyń prezıdenti retinde Memleket basshysyna balalar men jasóspirimder sportynyń jaǵdaıy jáne «Astana – Premier Tech» velokomandasynyń rebrendıngi týraly baıandady.

Velokomanda 2022 jyldan bastap «Astana Qazaqstan Team» dep atalatyn bolady.

Qasym-Jomart Toqaev kompanııanyń bastamalaryna oń baǵa berip, tabys tiledi.

Joǵary qaraı