Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent AÓSShK Hatshylyǵynyń atqarýshy dırektoryn qabyldady

2021 jyldyń 19 qazan 2021 18:39

NUR-SULTAN. QazAqparat - Prezıdent AÓSShK Hatshylyǵynyń atqarýshy dırektory Qaırat Sarybaıdy qabyldady, dep habarlaıdy QazAqparat Aqordaǵa silteme jasap.

Qasym-Jomart Toqaevqa Azııadaǵy ózara is-qımyl jáne senim sharalary jónindegi keńeske Qazaqstan tóraǵalyǵynyń birinshi jylynyń qorytyndylary týraly málimet berildi. Sonymen qatar Hatshylyqtyń qazirgi qyzmetindegi basym baǵyttardyń biri retinde forýmnyń ınstıtýtsıonaldyq damýyna qatysty júrgizilip jatqan jumystarǵa erekshe nazar aýdaryldy.

Osy rette, AÓSShK Hatshylyǵynyń atqarýshy dırektory Qaırat Sarybaı Memleket basshysyna Aqylmandar keńesin qurýǵa jáne AÓSShK-tiń Taldaý ortalyqtarynyń forýmyn turaqty jumys isteıtin konsýltatıvtik alań retinde qaıta qurýǵa qatysty bastamalarynyń iske asyrylýy týraly málimet berdi.

Kezdesý barysynda Qasym-Jomart Toqaevqa AÓSShK aıasynda Azııa aýmaǵyndaǵy senim men yntymaqtastyqty nyǵaıtýǵa baǵyttalǵan 50-ge jýyq is-shara ótkizilgeni týraly aıtyldy.

Budan bólek, Qaırat Sarybaı Memleket basshysyna Keńestiń syrtqy saıası vedomstvo basshylarynyń jýyrda bolǵan kezdesýiniń negizgi qorytyndylary men 2022 jyly Nur-Sultan qalasynda ótetin AÓSShK-tiń VI Sammıtine daıyndyq jumystary týraly baıandady.

Qazaqstan Prezıdenti joǵary deńgeıdegi aldaǵy jıynǵa tııanaqty daıyndalýdyń, sonyń ishinde mańyzdy máseleler men uıymdastyrý jumystaryn pysyqtaýdyń mańyzdy ekenine basa mán berdi.


Joǵary qaraı