Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent: 2030 jylǵa qaraı eldegi bıdaı shyǵymy 40 paıyz tómendeýi múmkin

2021 jyldyń 13 qazan 2021 17:39

NUR-SULTAN. QazAqparat – QR Prezıdenti Qasym-Jomart Toqaev klımattyń ózgerisi eldegi bıdaı sharýashylyǵyna qalaı áser etetinin aıtty, dep habarlaıdy QazAqparat tilshisi.

«Ortalyq Azııa óńirindegi klımattyń jylyný jedeldigi alańdatady ári shuǵyl áreketterdi qajet etedi. Bul ásirese sý men azyq-túlik qamsyzdyǵyn, qaýipsizdigin saqtaý bóliginde óte mańyzdy. Qazaqstan jylyna 7 mln tonnaǵa deıin bıdaı eksporttap, azyq-túlik bıdaıy men un óndirýshilerdiń iri ondyǵyna kirip otyr.

Alaıda jaǵymsyz stsenarıı iske asqan jaǵdaıda 2030 jylǵa qaraı bıdaıdyń shyǵymy 40 paıyzǵa deıin tómendeýi múmkin», - dedi Memleket basshysy elordada ótip jatqan «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııasynda.

Aıta keteıik, elordada «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııa ótip jatyr.

Sharaǵa QR Prezıdenti Qasym-Jomart Toqaev, QR ekologııa, geologııa jáne tabıǵı resýrstar mınıstri Serikqalı Brekeshev, sondaı-aq BUU-nyń joǵary laýazymdy tulǵalary, halyqaralyq sarapshylar, isker toptar men azamattyq qoǵam ókilderi qatysýda.


Joǵary qaraı