Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Premer-Mınıstrler deńgeıinde «Eýropalyq Odaq – Ortalyq Azııa» ekonomıkalyq forýmy bastaldy

2021 jyldyń 5 qarasha 2021 14:01

BІShKEK. QazAqparat – Qyrǵyzstan astanasy Bishkek qalasynda «Eýropalyq Odaq – Ortalyq Azııa» halyqaralyq birinshi ekonomıkalyq forýmynyń plenarlyq sessııasy bastaldy, dep habarlaıdy QazAqparat tilshisi.

Jıynǵa qatysý úshin Qyrǵyzstan Prezıdentiniń «Ala-Arsha» rezıdentsııasyna Ortalyq Azııa elderiniń Úkimet basshylary keldi.

Atap aıtqanda, Eýropalyq Odaq pen Ortalyq Azııa arasyndaǵy ekonomıkalyq baılanysty nyǵaıtý basym baǵyttarynyń biri bolyp otyr.

Forým qatysýshylarǵa taraptardyń tabysy men ıgiligi úshin turaqty ekonomıkalyq damý salasyndaǵy Ortalyq Azııanyń basym qajettilikterin talqylaýǵa múmkindik beredi. Іs-sharanyń úsh negizgi taqyryby – ekologııalyq turǵyda taza ekonomıka, tsıfrlandyrý jáne iskerlik ortany jaqsartý.

Sondyqtan, birinshi betpe-bet «EO-Ortalyq Azııa» ekonomıkalyq forýmy 2021-2027 jyldarǵa arnalǵan jańa baǵdarlama tsıkline sáıkes Eýropalyq jasyl baǵdar, EO tsıfrlandyrý jospary, Eýropalyq Odaqtyń aımaqtyq jáne ekijaqty baǵdarlamalary sııaqty iske asyrylyp jatqan EO bastamalaryn eskere otyryp, osy úsh saladaǵy qıyndyqtar men múmkindikterdi talqylaýǵa baǵyttalady. Jıyn barasynda jeke sektor usynatyn bastamalar men tehnologııalyq sheshimder de talqylanbaq.

Búgingi forýmǵa Qyrǵyzstan Prezıdenti Sadyr Japarov, Qazaqstan Premer-Mınıstri Asqar Mamın, Qyrǵyzstan Mınıstrler kabınetiniń tóraǵasy Aqylbek Japarov, Ózbekstan Premer-Mınıstri Abdýlla Arıpov, Tájikstan Premer-Mınıstriniń orynbasary Ýsmonalı Ýsmonzoda, Túrikmenstan Mınıstrler kabıneti tóraǵasynyń orynbasary Chary Gylydjov, EO-nyń Ortalyq Azııa boıynsha arnaýly ókili Terı Hakala, Eýropalyq komıssııanyń vıtse-prezıdenti Valdıs Dombrovskıs qatysyp jatyr. Atalǵan jıynǵa onlaın-rejımde Eýropalyq komıssııanyń tóraǵasy Ýrsýla fon der Lıaıen qosylady dep kútilýde.

Sonymen qatar forým aıasyndaǵy sessııa jumysyna Ortalyq Azııa elderinen kelgen jeke sektor ókilderi, mınıstrler eýropalyq qarjy ınstıtýttarynyń mamandary mańyzdy taqyryptarda talqylaý ótkizedi.

Osy oraıda olar iskerlik ortany jaqsartý, tsıfrlandyrý, ekologııa máseleleri boıynsha pikir almasady.


Joǵary qaraı