Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Premer-Mınıstrdiń orynbasary esirtki qylmysymen kúres boıynsha keńes ótkizdi

2021 jyldyń 24 qyrkúıek 2021 09:37

NUR-SULTAN. QazAqparat - Búgin Premer-Mınıstrdiń orynbasary Eraly Toǵjanov Memleket basshysynyń eldegi esirtki qylmysy men nashaqorlyqqa qarsy is-qımylǵa qatysty tapsyrmasyn oryndaý boıynsha arnaıy keńes ótkizdi. Bul týraly Úkimettiń saıty habarlaıdy.

«Búgingi tańda esirtki qylmysy men nashaqorlyq máselesi óte ózekti. Ókinishke oraı, jańa sıntetıkalyq esirtkiniń negizgi tutynýshylary – jastar. Tek osy jyldyń ózinde elimizde 8,5% ósimmen 5 myń esirtki qylmysy anyqtaldy. Bizge bul baǵytta kúresý úshin júıeli sharalar qajet», — dep atap ótti E. Toǵjanov.

Quqyq qorǵaý jáne salalyq memlekettik organdarǵa birqatar tapsyma berildi:

- telekommýnıkatsııa jelisinde, onyń ishinde ınternet-bottardy jáne basqa da avtomatty baǵdarlamalardy paıdalana otyryp jasalatyn esirtki qylmysynyń jolyn kesý;

-tıimdi memlekettik jáne áleýmettik baqylaýdy belgileı otyryp, nashaqorlyqtyń bastapqy profılaktıkasynyń teńgerimdi júıesin qurý;

-esirtkige táýeldi adamdardy emdeý ádisterin jetildirý, aýmaqtyq sot saraptamasy organdarynyń memlekettik esirtki dıspanserlerin materıaldyq-tehnıkalyq jaraqtandyrýdy jaqsartý;

-quramynda esirtki bar ósimdikterdiń ósý oshaqtaryn anyqtaý úshin qashyqtan zondtaý júıelerin paıdalanýdy keńeıtý;

-esirtki zattaryn shetelden ákelýge jol bermeý jóninde sharalar qabyldaý.

Keńes qorytyndysy boıynsha Premer-Mınıstrdiń orynbasary eldegi esirtki qylmysy men nashaqorlyqqa qarsy júıeli sharalar ázirleý úshin vedomstvoaralyq jumys tobyn qurýdy tapsyrdy.



Joǵary qaraı