Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Premer-Mınıstr qurylys maýsymynda jol jumystaryn úzdiksiz júrgizýdi tapsyrdy

2022 jyldyń 17 mamyr 2022 13:34

NUR-SULTAN. QazAqparat – QR Premer-Mınıstri Álıhan Smaıylov jol qurylysy jumystaryn úzdiksiz júrgizýdi jáne josparlanǵan aýmaqta aqyly júıeni tolyq engizýdi tapsyrdy, dep habarlaıdy QazAqparat.

«Indýstrııa mınıstrligi ákimdiktermen, QazAvtoJolmen birlesip, josparlanǵan jobalardy ýaqytynda paıdalanýǵa berýdi jáne bólingen qarajatty tolyq ıgerýdi qamtamasyz etýi qajet. Qurylys maýsymyn barynsha tıimdi paıdalaný óte mańyzdy. Ekinshiden, qurylys jumystaryn úzilissiz júrgizý úshin Energetıka mınıstrligi men «QazaqstanTemirJoly» qurylys kompanııalaryn qajetti mólsherde bıtýmmen jáne ınertti materıaldardy jetkizý úshin temirjol vagondarymen qamtamasyz etýi kerek», - dep atap ótti Á. Smaıylov Úkimet otyrysynda.

Sonymen birge, Indýstrııa mınıstrligi jyl sońyna deıin avtojoldardyń josparlanǵan ýchaskelerinde aqy tóleýdi engizip, ózin-ózi qamtamasyz etýge kóshirý jumysyn aıaqtaýy qajet. Bul avtojoldardy normatıvtik jaǵdaıda kútip-ustaýǵa múmkindik beredi.

«Jol boıyndaǵy qyzmet kórsetý nysandaryn jańǵyrtý jumystaryn sapaly júrgizip, 2026 jylǵa qaraı olardyń barlyǵyn Ulttyq standartqa sáıkestendirý kerek. Sondyqtan ákimdikter QazAvtoJolmen birlesip, qyzmet kórsetý nysandaryn salý úshin avtojoldar boıynan jer berip, osy baǵytty damytýdy jandandyrsyn. Ulttyq ekonomıka mınıstrligi Qarjy jáne Indýstrııa mınıstrlikterimen birlesip, bekitilgen jobalyq-smetalyq qunynan asatyn jobalardy qosymsha qarjylandyrý tetigin ázirleýi kerek», - dep tapsyrma berdi Úkimet basshysy.

Buǵan deıin Á. Smaılov 2022 jyly respýblıkalyq mańyzy bar joldardyń 91% jáne jergilikti joldardyń 85%-y qalypty kúıde bolatynyn aıtqan edi.

Onyń aıtýynsha, Qazaqstan jol sapasy jaǵynan álemde 93-shi orynda tur.


Joǵary qaraı