Aýa raıy
Astana 4 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Premer-Mınıstr astyqty satyp alý men tasymaldaýǵa qatysty tapsyrma berdi

2020 jyldyń 22 qyrkúıek 2020 09:50

NUR-SULTAN. QazAqparat – Búgin Úkimet otyrysynda Premer-Mınıstr Asqar Mamın astyqty satyp alý men tasymaldaýǵa qatysty birqatar tapsyrma berdi, dep habarlaıdy QazAqparat tilshisi.

«Aýyl sharýashylyǵy mınıstrligine astyq jáne astyq burshaq tuqymdas daqyldardy óńdeý salasyn, sonymen qatar eksporttyq áleýetti damytý jónindegi jol kartasyn ázirleýdi tapsyramyn», - dedi Úkimet basshysy.

Buǵan qosa Asqar Mamın ákimdikter men Aýyl sharýashylyǵy mınıstrligine egin jınaýdy qysqa merzimde aıaqtap, eginniń saqtalýyn qamtamasyz etýi boıynsha tapsyrma berdi.

«Aýyl sharýashylyǵy mınıstrligi astyqtyń satyp alý baǵasyn belgileýdi qamtamasyz etsin jáne naryqqa qatysýshylardy habardar etsin. Ákimderge forvardtyq satyp alý mehanızmi arqyly qarajattyń qaıtyp kelýin qamtamasyz etýdi tapsyramyn», - dedi Premer-Mınıstr.

Budan bólek, Úkimet basshysy Indýstrııa mınıstrligine «Qazaqstan temir joly» kompanııasymen birlesip, astyqty úzdiksiz tasymaldaý úshin jyljymaly qurammen qamtamasyz etý sharalaryn qabyldaýdy júktedi.


Joǵary qaraı