Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Premer-Mınıstr áleýmettik mańyzy bar azyq-túlik baǵasyn turaqtandyrýdy tapsyrdy

2021 jyldyń 10 maýsym 2021 11:09

NUR-SULTAN. QazAqparat – QR Premer-Mınıstri Asqar Mamın memorgandar men óńir ákimdikterine áleýmettik mańyzy bar azyq-túlik baǵasyn turaqtandyrýdy tapsyrdy, dep habarlaıdy QazAqparat.

«Qazaqstan ekonomıkasy oń ósim kórsetýde. Ótken jyldyń osyndaı kezeńimen salystyrǵanda bıylǵy bes aı ishinde ósim 1,6% boldy.

Ekonomıka damýynyń negizgi draıverleri – óńdeý ónerkásibinde ósim 7,2% paıyz, mashına qurastyrýda 21,1%, onyń ishinde avtomobıl jasaýda 26,4% jáne lokomotıvter men vagondar qurastyrýda ósim 54,9% boldy.

Óńdeýshi sektorda joǵary serpin kórsetken salalar – hımııa ónerkásibinde ósim 9,8%, jeńil ónerkásibinde 5,5%, metallýrgııada 2,7%, farmatsevtıkada 25,7% jáne munaı óńdeýde 3,4%.

Qurylys sektorynda ósim 11,3% paıyz jáne turǵyn úıdi paıdalanýǵa berýde 12,5% - nemese 4,6 mln sharshy metr joǵary ósim qarqyny qamtamasyz etildi.

Aýyl sharýashylyǵyndaǵy ósý qarqyny – ornyqty, 3,1% qurap otyr», - dep atap ótti Premer-Mınıstr búgingi Úkimet otyrysynda.

Búkil ekonomıkadaǵy negizgi kapıtalǵa ınvestıtsııalardyń ósýi, taý-ken óndirýdi eseptemegende, 25,5% qurady. Qyzmet kórsetý sektorynda, atap aıtqanda, saýda jáne baılanys salasynda ekinshi aı qatarynan oń qarqyn baıqalyp otyr.

«Bıylǵy qańtar-mamyr aılarynyń qorytyndysy boıynsha barlyq 7 negizgi makrokórsetkish boıynsha Mańǵystaý oblysy men Shymkent qalasynda ósim baıqalyp otyr. 6 negizgi kórsetkish boıynsha jeti óńirde joǵary qarqyn tirkeldi. Bular – Aqmola, Aqtóbe, Jambyl, Qaraǵandy, Pavlodar, Almaty jáne Túrkistan oblystary. Jeti óńirde 5 kórsetkish boıynsha oń serpin bar. Bul – Atyraý, Shyǵys Qazaqstan, Qostanaı, Qyzylorda, Soltústik Qazaqstan oblystary men Nur-Sultan, Almaty qalalary. Batys Qazaqstan oblysynda eń tómengi kórsetkishter baıqaldy», - deıdi A. Mamın.

Premer-Mınıstr ósý serpinin ustap turý úshin ekonomıkany odan ári ártaraptandyrý, ınvestıtsııalar tartý jáne jumys oryndaryn qurý jumystaryn jalǵastyrý qajettigin aıtty.

«Sonymen qatar, ınflıatsııa deńgeıiniń ósýi baıqalýda. Bul – birqatar taýarlar men aqyly qyzmetter baǵasynyń ulǵaıýyna baılanysty. Óńirler ákimdikterine memlekettik organdarmen birge áleýmettik mańyzy bar azyq-túlik taýarlarynyń baǵasyn turaqtandyrý, tamaq ónimderiniń óndirisin yntalandyrý jáne olarmen ishki naryqty molyqtyrý boıynsha naqty sharalar qabyldaýdy tapsyramyn.

Básekelestikti qorǵaý jáne damytý agenttigi óńirler ákimdikterimen birge áleýmettik mańyzy bar azyq-túlik taýarlarynyń baǵasyn negizsiz ósý faktileriniń jolyn kesýdi der kezinde qamtamasyz etsin», - dep tapsyrma berdi ol.

Sonymen birge, kirister boıynsha bıýdjettiń atqarylýy bıylǵy josparǵa qatysty 101,6% deńgeıinde qalyptasty.

«Ákimshilerge aı saıynǵy josparly ıgerýdi qamtamasyz etýdi tapsyramyn. Alty aıdyń qorytyndysy boıynsha eldiń áleýmettik-ekonomıkalyq damý qorytyndylaryn Memleket basshysy deńgeıinde qarastyrý kózdelip otyr. Mınıstrlikter men ákimdikterge jumysty jandandyryp, ulttyq ekonomıkanyń josparlanǵan ósý kórsetkishterine qol jetkizý boıynsha Memleket basshysy belgilep bergen mindetterdi iske asyrýda tıisti sharalar qabyldaýdy tapsyramyn», - dedi Asqar Mamın.


Joǵary qaraı