Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Poıyz ben kólik soqtyǵysty: zardap shekkender bar

2021 jyldyń 29 qarasha 2021 13:57

QOSTANAI. QazAqparat – Qostanaı oblysynyń Beıimbet Maılın aýdanynda jeńil kólik temirjol ótkeline shyǵyp ketýi saldarynan ony júrip kele jatqan lokomotıv qaǵyp ketti, dep habarlaıdy QazAqparat Qostanaı oblysy polıtsııa departamentiniń baspasóz qyzmetine silteme jasap.

«2021 jyldyń 27 qarashasynda tańǵy saǵat 5 shamasynda Beıimbet Maılın aýdanyndaǵy Elızavetınka aýylynan bir shaqyrym jerde «Volvo» jeńil kóligin júrgizip kele jatqan Ózbekstan Respýblıkasynyń 30 jastaǵy azamaty jol bermeı, temirjol ótkeline shyǵyp ketken. Saldarynan «Qostanaı-Tobyl» baǵdarymen kele jatqan poıyzben soqtyǵysty. Lokomotıvti júrgizip kele jatqan 34 jastaǵy er adam poıyzdy shuǵyl toqtatýǵa májbúr boldy», - dep málimdedi vedomstvodan.

Jol-kólik oqıǵasy saldarynan «Volvo» kóliginiń júrgizýshisi men jolaýshy túrli jaraqattarmen Rýdnyı aýrýhanasyna jetkizilgen, olarǵa ambýlatorlyq em belgilendi.

Mashınıst dene jaraqattaryn alǵan joq. Lokomotıv qozǵalysyn 36 mınýttan keıin jalǵastyrdy. «Volvo» júrgizýshisine qatysty ákimshilik hattama toltyryldy.


Basty sózder: Qostanaı oblysy, Oqıǵa, Kólik, QR ІІM,
Joǵary qaraı