Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Polıtsııa basqarmasyna mına qoıylǵan dep habarlasqan aýla sypyrýshy ustaldy

2020 jyldyń 11 tamyz 2020 21:51

ALMATY. QazAqparat – Almatyda 30 jastaǵy aýla sypyrýshy polıtsııa basqarmasyna «mına qoıdy», dep habarlaıdy QazAqparat tilshisi.

Polıtsııa departamentiniń habarlaýynsha, aqparat «102» qyzmetine keshe keshki saǵat 20:31-de kelip túsken. Abonent Bostandyq aýdandyq polıtsııa basqarmasyna jarylǵysh zat qoıylǵanyn habarlaǵan.

«Saperler dereý polıtsııa bóliminde tekserý sharalaryn uıymdastyrdy. Aqparat rastalmady. Sonymen qatar, jedel bólimshelerdiń qyzmetkerleri qońyraý shalýshynyń jeke basyn anyqtaýǵa jáne tutqyndaýǵa baǵyttalǵan jedel-izdestirý sharalaryn júrgizdi. 1990 jyly týǵan M. Esimdi azamat jumys ornynda bolǵan (aýla sypyrýshy bolyp jumys isteıdi), dostarymen ishimdik iship otyryp, buzaqylyq nıetpen polıtsııaǵa qońyraý shalyp, terrorızm aktisi týraly jalǵan habarlama aıtqan. Atalǵan fakti boıynsha QR QK-niń 273-baby boıynsha qylmys negizinde sotqa deıingi tergeý bastaldy. Kúdikti qamaýǵa alyndy», – dedi Almaty qalalyq PD bastyǵynyń orynbasary Berik Ábilbekov.








Avtor Alma Muqanova
Basty sózder: Almaty, Oqıǵa,
Joǵary qaraı