Aýa raıy
Astana -18 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Polshada izdestirýshiler 56 qazaqstandyq maıdangerdiń zıratyn tapty

2020 jyldyń 28 qarasha 2020 19:23

NUR-SULTAN. QazAqparat - Ulttyq áskerı-patrıottyq ortalyqtyń áskerı-tarıhı murajaıyna Ekinshi dúnıejúzilik soǵys kezinde Polshada qaza tapqan jáne sonda jerlengen 50-den astam qazaqstandyq jaýyngerlerdiń tizimi berildi, dep habarlaıdy QazAqparat Qorǵanys mınstrliginiń baspasóz qyzmetine silteme jasap.

Jarty jyl ishinde polıak mekemeleri jerleý oryndaryn izdeý jáne qazý jumystaryn júrgizgen. Maıdanǵa Qazaq SSR-nan shaqyrylǵan Qyzyl armııa jaýyngerleriniń 56 zıraty tabyldy. Olardyń aty-jónderin, qandaı shaıqasta qaza tapqanyn anyqtaý úshin aýqymdy jumys isteldi.

Qazaqstandaǵy Polsha Respýblıkasynyń Elshiligi janyndaǵy áskerı attashe Petr Výıtovıch qyzyl áskerılerdiń tizimin saltanatty túrde áskerı-tarıhı murajaıdyń basshysyna tapsyrdy.

«Jeńistiń 75 jyldyq mereıtoıy qarsańyndaǵy bul is-sharanyń mańyzdylyǵyn aıta ótý kerek. Tizimdegi árbir jaýynger bireýdiń iz-tússiz ketken týysy bolýy kerek. Atasyn izdep júrgen urpaqtary da bar shyǵar. Olar úshin Otandy erlikpen qorǵaǵan jaýyngerlerdiń qaıda jerlengenin bilýi óte mańyzdy», - dep atap ótti mýzeı bastyǵy Nurtaza Ásilov.

Tizimdi alǵannan keıin murajaı jaýyngerlerdiń týystaryn izdeıdi.

Joǵary qaraı