Aýa raıy
Astana 3 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Polshada Abaıǵa arnalǵan poshta markasy shyǵaryldy

2020 jyldyń 30 maýsym 2020 17:01

VARShAVA. QazAqparat – Polshada Abaı Qunanbaıulynyń 175 jyldyǵyna arnalǵan poshta markasy shyǵaryldy, dep habarlaıdy QazAqparat.

QR Syrtqy ister mınıstrliginen málim etkendeı, poshta markasyn shyǵarý jobasyn uly aqynnyń mereıtoıyn merekeleý aıasynda Qazaqstannyń Varshavadaǵy Elshiliginiń bastamasymen «Pochta Polska» AQ júzege asyrdy.

Markanyń tanystyrylymy «Pochta Polska» kompanııasynyń ortalyq ǵımaratynda ótti.

Qazaqstannyń Polshadaǵy Elshisi Álim Qırabaev qazirgi urpaqty adaldyq pen ádilettilik qaǵıdalaryn basshylyqqa alýǵa, sondaı-aq óz halqyna qyzmet etýge jáne bilim berýge umtylýǵa shaqyryp, shabyttandyratyn uly jazýshynyń fılosofııalyq ıdeıalarynyń jáne ólmes ádebı murasynyń ózektiligin atap ótti.

«Pochta Polska» AQ tóraǵasy Tomash Zdzıkota eki el arasyndaǵy fılatelııa salasyndaǵy jemisti jáne uzaq merzimdi yntymaqtastyǵyna toqtalyp, uly qazaq aǵartýshysynyń beınesi salynǵan poshtalyq markasy fılatelıstter arasynda úlken qyzyǵýshylyq týdyryp, birlesken sátti jobalardyń dáleli bolatynyna senim bildirdi.

Іs-shara barysynda Polsha Respýblıkasy Syrtqy ister mınıstrliginiń Departament dırektory ıA.Hofmokl Abaıdyń shyǵarmashylyq murasynyń mańyzdylyǵy men aýqymyn aıta otyryp, 2001 jyly Qazaqstanǵa jasaǵan sapary kezinde Rım Papasy Ioann Pavel II-shi dáıeksóz jasaǵan Abaıdyń «Qara sózder» áıgili ádebıet shyǵarmashylyǵymen tyndaýshylardy tanysýǵa shaqyrdy», - dedi QR SІM-nen.

Abaıdyń 175 jyldyǵyn merekeleý aıasynda ótkizilgen is-shara polıak aýdıtorııasyn Qazaqstan halqynyń mádenı murasymen jáne rýhanı baılyǵymen tanystyrýǵa jaqsy múmkindik berdi.

Kezdesý sońynda Elshi polıak tarapyna polıak tilindegi Abaıdyń «Qara sózder» kitabynyń birneshe danasyn tabystady.





Joǵary qaraı