Aýa raıy
Astana 6 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Pnevmonııamen aýyrǵan naýqastardyń ókpesi qansha ýaqytta qalypqa keledi - maman pikiri

2020 jyldyń 19 qyrkúıek 2020 15:05

NUR-SULTAN. QazAqparat – Koronavırýs pnevmonııasymen aýyrǵan naýqastardyń ókpesi tolyq qalypqa kelýi úshin 3 aıdan 6 aıǵa deıin ýaqyt kerek. Bul týraly QazAqparat tilshisine bergen suhbatynda medıtsına ǵylymdarynyń kandıdaty, pýlmonolog Alekseı Pak málimdedi.

«Koronavırýstyq pnevmonııamen aýyryp, saýyqqan adamdar kompıýterlik tomografııadan ótkende, ókpesiniń tolyq jaqsarmaǵanyn kóredi. Sondyqtan olar úreıge boı aldyryp, alańdap, qaıtadan em alýdy jalǵastyryp jatady. Al shyn máninde ol naýqastar densaýlyq jaǵdaıynyń jaqsy ekenin sezinedi. Bul másele medıtsına mamandarynyń halyqty durys aqparatpen qamtamasyz etpeýinen týyndap otyr. Pnevmonııadan zaqym kelgen ókpeniń tolyq orny bitip ketýi úshin 3 aıdan 6 aıǵa deıin ýaqyt kerek. Keıbir jaǵdaıda ókpedegi ózgeris ómir boıyna saqtalýy múmkin. Sondyqtan kompıýterlik tomografııa olardyń tynys alý organynda dert bar dep kórsetedi. Bul adam aýrýynan áli aıyqpaǵan degendi bildirmeıdi», - dedi pýlmonolog-dáriger Alekseı Pak.

Sondaı-aq, Alekseı Pak pnevmonııany koronavırýs ınfektsııasynan bólip qarastyrý máselesi týraly pikir bildirdi.

«Qazir buqara arasynda koronavırýs ınfektsııasyn jáne pnevmonııa aýrýyn ekige bólip qarastyrý týraly jańsaq pikir qalyptasty. Bul múldem aqylǵa qonbaıtyn dúnıe. Pnevmonııanyń tek bakterııalyq túri bar. Oǵan adamdar óte az shaldyǵady. Búgingi jaǵdaıda pnevmonııanyń bakterııalyq emes, ınfektsııalyq túri órshidi. Ol koronavırýstyń asa aýyr asqynǵan túri. Jappaı indet taraǵansha, men kúnine bakterııadan ókpesi zaqymdanǵan 5-6 naýqasty qaraıtyn edim. Al dert órshigende, bir kúnde 600 adamdy tekseristen ótkizdim. Pnevmonııaǵa shaldyqqan naýqastar koronavırýstyq ınfektsııamen aýyratyndar. COVID -19 anyqtaıtyn ádis-tásilder ártúrli. Máselen, indet PTsR taldamasy arqyly anyqtalmaı, biraq kompıýterlik tomografııa tekserýi boıynsha ókpeniń zaqymdanǵany kórsetiledi. Bul siz koronavırýs juqtyrdyńyz degendi bildiredi», - dep atap ótti Ulttyq ǵylymı medıtsınalyq ortalyǵynyń pýlmonolog-dárigeri Alekseı Pak.

Eske sala keteıik, ótken táýlikte koronavırýstyq pnevmonııadan bir adam qaıtys boldy.


Avtor Álıhan Asqar
Basty sózder: Koronavırýs, Medıtsına,
Joǵary qaraı