Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

«Plastıkke toly planeta»: Almatyda ataqty fotograftyń kórmesi ótip jatyr

2020 jyldyń 25 qazan 2020 21:10

ALMATY. QazAqparat – Almatyda «Telli Gallery» zalynda brıtan fotografy Mendı Barkerdiń «Plastıkke toly planeta» eko-kórmesi ótip jatyr, dep habarlaıdy QazAqparat tilshisi.

Mendı Barker – kóptegen marapatqa ıe bolǵan halyqaralyq fotograf.

Onyń teńiz túbindegi plastık taqyrybyna túsirgen sýretteri sońǵy 10 jylda álemdik ónersúıer qaýym tarapynan joǵary baǵa alyp keledi.





«Telli Gallery» zalyndaǵy kórme de jahandyq taqyryp – ekologııanyń lastanýyn kóteredi.

Kórmede kartınalardan bólek álemniń kartasy ornatylǵan. Onda balalarǵa qoqysty durys suryptaý týraly oıyn túrinde aqparat berilgen.





Mendı Barker álemniń 40 elinde: BUU shtab páterinen bastap Mońǵolııaǵa deıin kórme uıymdastyrǵan.





Barker «Prix Pictet Award SPACE 2017» syılyǵynyń short paraǵyna engen, «Deutsche Borse Foundation Photography Prize 2020» qory syılyǵynyń laýreaty.

Kórme jyl sońyna deıin 10:00-20:00 aralyǵynda ashyq bolady. Kirý tegin.


Joǵary qaraı