Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Phizer vaktsınasy nelikten bárine qoljetimdi emes – Eraly Toǵjanov jaýaby

2022 jyldyń 18 qańtar 2022 19:08

NUR-SULTAN. QazAqparat – QR Premer-Mınıstriniń orynbasary Eraly Toǵjanov «Phizer vaktsınasy nelikten bárine qoljetimdi emes?» degen suraqqa jaýap berdi, dep habarlaıdy QazAqparat tilshisi.

«Keshe áleýmettik jeliden oqyp qaldym, Phizer vaktsınasyn salý úshin azamattarymyz Qyrǵyzstanǵa baryp jatyr. TMD elderinde Ózbekstanda Phizer egýge múmkindik qarastyrylǵan. Nege bizdiń Úkimet reseılik Sputnik-ke jabysyp qalyp Phizer barlyq azamatqa birdeı qoljetimdi etpeı otyr?», - dep suraq qoıdy jýrnalıst Premer-Mınıstr orynbasaryna.

«Nege Phizer-ge jabysyp otyrsyz? Qazaqstanǵa 4 mln Phizer dozasy jetkizildi. Ony 12-18 jastaǵy balalarǵa, júkti áıelderge beremiz dep otyrmyz. Nege deseńizder, Dúnıejúzilik densaýlyq saqtaý uıymynyń arnaıy sheshimimen sol azamattarǵa salýǵa rusqat berilgen keıin ákelip otyrmyz. Phizer-diń bizge bergen arnaıy sheshimi boıynsha, búginde Phizer-di satýǵa jol joq, olar osyndaı ózderiniń sheshimderin shyǵarǵan. Al eger keı adamdar basqa memleketterge tyǵylyp baryp, basqa quıtyrqy joldarmen sheship jatsa, men oǵan jaýap bere almaımyn. Biraq Qazaqstan boıynsha Phizer kompanııasyna baılanysty bizdiń qarym-qatynasymyz osyndaı. Sondyqtan, Sputnik-ke jabysyp otyrǵan eshkim joq. Eń aldymen DDSU ruqsaty berilgen Sinopharm týraly aıtyp otyrmyz, onymen kez kelgen memleketke barýǵa bolady. Olardyń da 2 mln astamy bar. Ózimizdiń QazVac bar. Sondyqtan paıdalanýǵa múmkindik bar ǵoı, sonyń bárin eskereıik te», - dep jaýap berdi Eraly Toǵjanov.

Óz kezeginde tilshi azamattardyń jalpy vaktsına saldyrmaýynyń sebebi – reseılik Spýtnık pen qazaqstandyq Qazvakqa senbeýi ekenin aıtty.

«Kóp adamdar Phizer-di paıdalanǵysy keledi. Phizer bárine qoljetimdi bolsa, azamattar ekpe saldyrýdan qashpas edi ǵoı. Nege osyny sizder áý basta eskermedińizder?», - dedi jýrnalıst.

«Sonda Qazaqstanǵa tek Phizer-di ákelýimiz kerek pe, sizdiń oıyńyzsha? Qalaı dep oılaısyz?», - dep qarsy suraq qoıdy E. Toǵjanov.

Jýrnalıst tańdaý múmkindigi bolý kerektigin aıtty.

«Tańdaý múmkindigi bar. Azamattardyń bárine múmkindik berip otyrmyz, 60 jastan asqan 1 mıllıon adamnyń da múmkindigi bar», - dedi Eraly Toǵjanov.


Joǵary qaraı